عتيبة مفخر التاريخ وأهل الخيل والأذواد =طحاطيح الرجال اللي بنوا للمجد هاماته

[ابراهيم الزراقي]

السلام عليكم ورحمة الله وبركاته









قصيدتي في حفل إبن العم الاستاذ شداد بن سياف الزراقي

مدير مكتب القصيّر بالجموم






اتمنى ان تال على اعجابكم

يشوش الراس لامن قمت قدم الناس فالميعاد=ولدو يمي أهل العرف وأهل الشعر ورواته
يشوش الراس والأحساس في جوف الصدر يزداد=وتنتاب المشاعر نشوة النصر وملاذاته
يشوش الراس ويطير العماس وتصغي الاشهاد=على الشعر الجزل ويعاف راع الهزلة أبياته
وأنا شاعر ولي فالشعر كلمة يعجز النقاد=ينقص من جزالتها ولو ناطح بها ذاته
كتبت الشعر من صغري وجاله داخلي ميلاد=ولد رجلٍ كبير وتذهل العالم عباراته
حشمته عن هروجن تفرح الغاوين والحساد=ولاهموني الحساد والوقت وغوياته
ذخرته لليال اللي حشى ماهي ليال رقاد=ليا قاموا هل الكلمة وكلن شال راياته
مثل ذا الليل وليال الفرح لأهل القصيد اعياد=تهيضهم وتبعدهم عن الهم ومتاهاته
أحد يكتب عن الفرحة وأحد عن مجد ربعه ذاد=وأحد مد الوفاء لأهل الوفاء واستغنم اوقاته
وانا لي شهر كامل ما اتهنى بالهوى والزاد=اداري هاجسي وانخاه لايبخل بمداته
شهر كامل وأنا وياه نسهر ليلنا فجهاد=ألمه!! وأنثره!! وأرقد!! واقوم اجمّع شتاته
حشى ماقلت جيب البيرق اللي في يدين زياد=ولاحملت ظهره حملٍ اكبر من طموحاته
لو أني معتبر نفسي عليّه ماحدن قد زاد=لكن والشاهد الله ماطلبته فوق قدراته
ابا منه الجمالة دام راع اللازمة سداد= ومادام إن شيهان القنص يعرف بهداته
لجل ربعن تحرى مني الوقفة والاستعداد=امام اللي حضر في محفلن زادت مسراته
وأنا لامن وقفت بمحفل ربوعي هل الامجاد=أحس اني ملكت الكون صحراه ومجراته
اقف من دونهم شاعر وشعري لجلهم منقاد=واقوم بحملهم والوقت ماهمي معاناته
وارحب بأسمهم بالضيف وافرش للفخر سجاد=تمشى فوقه زحول الزمان احياه وامواته
ارحب وأفتخر والدلة الرسلان والبراد=سبقها العود الازرق للضيوف ومد نفحاته
هلا يامرحبا عداد ربان المزن واعداد=هماليل المطر!! والورد واجمل كل باقاته
هلا يامرحبا باللي نصونا في حفل شداد=هلا يامرحبا والضيف لو طالت مسافاته
يشرفنا حضوره والوفاء يبقى مع الاجواد=ومن زار البيوت العامرة تحشم زياراته
هلا في حفل قرمٍ شب ناره والزناد زناد=هلا بأسمه وأسم ربعي عصابة راسه عزاته
ذوي زراق مزبان الدخيل اللي طوى الابعاد=يبي قومن تفكة من صدوف الوقت وآهاته
ذوي زراق ساس المجد وإن جاء للفخر ميراد=ليا من قلت ربعي قبّل التاريخ صفحاته
ذوي زراق وإن جت للأصول وماضي الاجداد=من الهيلا عتيبة والعتيبي صان عاداته
نحت فعله على صم الجبال وعلم النشاد=مدى مجده !! وتاريخه !! ومرقاه !! وبطولاته
عتيبة مفخر التاريخ وأهل الخيل والأذواد =طحاطيح الرجال اللي بنوا للمجد هاماته
بدون قصور في كل القبايل والرجال أوتاد=مثبت فعلهم والذم فيهم يلزم سكاته
ونعم ونعم فيكم ياهل النخوة وكلن شاد=صروح المجد فدياره وأخذ قسمة وغاياته
تخاوينا سوا فالوقت وعيون الزمان حداد=تحت راية هل العوجا دروع الدار وحماته
هل العوجا سلاطين العرب لاعدو الاسياد=يكفينا الفخر فيهم مع الوقت ومسراته

شعر..ابراهيم الزراقي

[معلا إبراهيم الأسعدي]

صح السانك وبيض الله وجهك انت وربعك كفو كفو يا إبر اهيم





تقبل تحيااااتي

التوقيع

[عبدالمجيد النفيعي]

لا والله إلا ماعليك شيء معجز

ششت وشوّشت راس المتلقي

والله والنعم بـ ذوي زراق ولاتكفي

صح الله لسانك جزل بـ معنى الكلمه

ذوي زراق ســــاس الـمـجــد وإن جــــاء لـلـفـخـر مــيـــراد=لـــيــــا مــــــــن قــــلــــت ربــــعــــي قــــبّــــل الــتـــاريـــخ صــفــحــاتــه

البيت هذا يسد لحاله عن باقي الأبيات في عرض الفخر

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[فهيد مقعد الرويس]

صح لسانك


وعتلاشانك

يابراهيم

تحيتي وتقديري

[عادل الأسعدي]

صح لسانك مدد بلاعدد


شاعر جزل ولاهو غريب منك هذا الطرح الفريد



تقبل مروري بكل ود

[سيف نت]

صح لســانك