سد الرمق !

[شاعر شعبي]

السلام عليكم وكل عام وانتم بخير



بويتات متواضعه اتمنى ان تعجبكم

ياسعود ياراع العلوم الجميله=ياصاحبي ماهي بحاجة عزاوي
الهقوة انك ترتكي للثقيله=وانا اعرفك ما انته بدون الهقاوي
خل العذر ياشوق شقرا الجديله=والشك زايل وانت ما انت برداوي
الوقت ما يوحيك لو تشتكي له=ابكم .. عمى ...واصم ماهوب ياوي
والناس ماتسقيك غير الحثيله=ماينفعك غيرك وخلك غناوي
كم عاقل ٍ بالناس ضيّع دليله=حاول يجاريها ولا هو بقاوي
ماعاد هي لحية سلوم القبيله=بعض العرب عن سلم جده نحاوي
ومن دوّر الكذاب يلقى بديله=ومن دوّر الصدقان مامن حراوي
والهامل اللي قام يطرق شليله=غاوي ومن يتبع مباديه غاوي
قله يخيل البرق قله يخليه=ويطرد سراب مرددين الحكاوي
لو يلحق الغايات راع الوسيله=سد الرمق مابل ريق المناوي
تشبه حكاية ألف ليله وليله=والعهده اللي جابها كل راوي
والعمر صبحه راح وانت بمقيله=مير اغتنم باقيه قبل الدعاوي
وان عودت لي من ورا الحيل حيله=وانا على الشدات حبلي رهاوي

وسلامتكم

[ابورازن فالمريخ]

لاهنت وصح لسانك ونطمع بالمزيد

[شاعر شعبي]

صح بدنك


القصيد واجد والله اني مدري وش اختار


ماار تباني عاد اعلمك


عسى الله يجملنا


تقبل تحياتي يابو رازن

[عمر الدغيلبي]

صح لسانك يا شاعر شعبي

وبيض الله وجهك

من غير مجامله

قصيدك يصحّي من النوم

ويطرب المسامع و يرضي الذائقه

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[سيف عنزه]

صح لسانك

وبيض الله وجهك يا الغالي

[شاعر شعبي]

مرورك يالدغيلبي هو اللي ينومس


ويشجع ويفرح



لا خلا ولا عدم يابعد راسي



لاهنت على كلامك الطيب اللي تشرفت به



تقبل تحياتي ومودتي

[شاعر شعبي]

صح بدنك يابن وايل




والله لايهينك



شرفتني بمرورك



تقبل تحياتي