يازيد هاجر مع قبايل عتيبه ؟! موجهه من الروقي الي زيد البقمي؟!

[(@&الــثــبــيــتــي&@)]

هذه قصيده للشاعر / محمد بن وبدان الثبيتي الروقي العتيبي

موجهه الى الشاعر الكبير / زيـــــــد بن فيحــان الكـــــريزي البقمي



ياراكب اللـي يـوم يفتـل صليبـه كن الحصا من تايره ضرب شرشور
سواقه اللـي عـارفٍ درب جيبـه ومسدسه في عاتقه يلمـس الـزور
انحر حضن واقطع مدامـث شعيبـه وانشد وتلقى زيد لو داخـل الـدور
سلـم عليـه ولازم انـك تجيـبـه وقله يقول دريول الجيـب مامـور
واليا التفت خلاف عقـب المغيبـه انحر طلوع السبع مع شقـة النـور
يازيد هاجـر مـع قبايـل عتيبـه انزل مع الثبتان واجلس على الكور
وعلـمٍ تجينـا بـه وعلـمٍ نجيبـه وسوالفٍ يطرب لها كـل مسطـور
ومجالسٍ فيهـا الشحـم ينصخيبـه والعود الازرق بينهم ياخـذ الـدور
حنـا مواقفنـا تـراهـا صعيـبـه يوم انها مابيـن غارتـا وسبـور
يوم ان شيخ القوم نـاوخ حريبـه حنا هل الفنجال وابليـس مدحـور
مافي (الحرار) الا الحصى والغليبـه انشد مجرب وانت ماهـر ودكتـور
دارٍ حصاهـا مايـداوى صويـبـه تقول مشـويٍ علـى نـار دافـور
يازيـد كـلٍ ديرتـه مـن نصيبـه فيها من الكرزان فرسـان ونمـور
هل شيمـةٍ عليـا وفزعـه وهيبـه رجالهم ينطح مـن الخيـل طابـور
يوم الحرايب حدهـم ماوطـي بـه مابين روق وبين دقلة بنـي ثـور
جعل السحاب اللي نشا مـن مغيبـه ينشي من المنشا على نايف الطـور
يسقـي بساتينـه ويرجـع قليبـه ويسقي بـلادٍ نبتهـا ورد وزهـور
يسقي صحـاري مملكتنـا الحبيبـه من طور ابن مرعي لياحد ابى القور
وماكفـه الخرخيـر ليـن القليبـه ترجع حـدود بلادنـا بـر وبحـور
ويمطر على وادي الحيـاه وجذيبـه ووادي الرشا ومراطبه مدهل الخور
ويسيـل القرنـه وصفـرا مغيبـه تصبح ضواحي خف والعرق ممطور
يازين ممشاً فى الفيـاض العشيبـه وراع العشاير قدمها شطـر المـور
تم الجـواب وباولـه ننتهـي بـه انزل مع الثبتان واجلس على الكور

[مـجـول الـعـصـيـمـي]

نقل مميز وراقي ..

يعطيك العافيه ..

لك راقى التحايا ..