ياعين والله مايفيدك لو تهلين الدموع

[ابراهيم الزراقي]

هذه ابيات متواضعه

مصافحه جديده لكم اتمنى ان تعجبكم

ياعيـن والله مايفيـدك لـو تهليـن الدمـوع=دام الحبايب مادروا عنـك ولاجاهـم خبـر
خلي دموعك لليال الي تلـوع الكبـد لـوع=والا المحبه ياعيونـي مالهـا غيـر الصبـر
اليا متى وانا اترجى والشقاء بيـن الضلـوع=والهم أشوفه كـل ماسجيـت فالدنيـا شبـر
وأليا متى وأنا اتحرى من ربوع اليـا ربـوع=والخاطر المكسور ماحصل عـلاج ولاجبـر
اسنين عمري روحت واقفت وانا قلبي جزوع=ماجاه من جور الزمن كود المأسـي والعبـر
هذي ثلاث اسنين اجر الصوت وهمومي تنوع=بين الرجاء والياس مالـي لانديـب ولاسبـر
كله سبايب مهرتن راحت على درب الجموع=ماعاد ندري وينها والوقت من طبعـه غبـر
اقفت وقفت فرحتي معها وانا مانـي قنـوع=لازلت ادورها مع العربـان ورقـادي ثبـر
مدري نبا نلقى عرب زين الوصايف والطبوع=والا نثرنـا همنـا بيـن الدفاتـر والحـبـر
لكن ياعين الشقـاء ماينفعـك ذرف الدمـوع=أرضي بحضك لاتهيأ واخـذي الدنيـا عبـر

شعر...ابراهيم الزراقي

[رايد الهديبي]

صح لساااااااااااااااااااااااانك

يا ذيبان قصيده جزله

[ابو محمد الدعجاني]

مدري نبا نلقى عرب زين الوصايف والطبوع
والا نثرنـا همنـا بيـن الدفاتـر والحـبـر

تصبر بهالبيت

صح السانك على الابداع

[سلطان بن دحيم]

صح لسانك مبدع يا ابراهيم

[ابو فايح]

مبدع ياابراهيم صح لسانك