::عتابه اللي فعلهم له براهيـــــــــن..

[دايم عزيز]

السلام عليكم ورحمة الله
أتشرف ان تكون اول مشاركاتي في هذا الصرح هذه القصيده المهداه لقبيلة عتيبه العريقه
عامه وخاصه الأخ خالد بن مرشود المورقي وهي من كلمات الشاعر عبدالله صلاح العزيزي
واعلم انها لا توفي حق قبيلة الهيلا ولكن من حق الأخوة والمعزة لهذه القبيلة ان تكون اول المشاركات هي في المدح والثناء لها

أبدا بمن نزل تبـــارك وياسيـــن = الواحد المعبود وآلي المقــــادير
خالق أبونا آدم من اللبن والطـين = سبحانه الوالي حسين الــــتدابير
أنحل ذكره يخـــزن الشياطــــين = ويصير كل الأمر سهل وتياسير
وان جاء مجال للرجال الشجيعين = خالد يهد اللي برأسه صـــعاطير
المورقي نسل الرجال الكريمــين = أللي لياجيته يبشرك بالــــــــخير
خالد ليا منه غدا العلم علمــــــين = من لابةٍ يثنون دون المـعاشــــير
عتابه اللي فعلهم له براهيـــــــــن = انتم هل الطاله رجالٍ مشاهــــــير
أهل الوفا والطيب والمذهب الزين = نعمٍ (ن) بهم وانحل باللجو تكديــــــر
ذباحت الحايل كعام المعاديـــــن = لطامت العايل حرار نواديــــــــــر
ياما تعلو فوق مثل الشياهــــــين = أفعالهم يشبع بها الذيب والطـــــــير
وإن ثار عج الخيل وسط الميادين = قبيلة الهيلا تقود الطوابيـــــــــــــــر
وانا من أهل المعجزات السلاطين = يفخر بنا التاريخ لقالو امــــطـيــــر
واقبل تحيات الرجال الوفيــــــين = وعذر وسماح كان بالقيل تقـــصـــــير
وعداد ماينبت وسط البساتــــــين = والا ذعاذيع الهبايب من عصـــــــــير
وصلو على خير البشر والنبيين = على الرسول المصطفى صاحب الخير

الشاعر:عبدالله بن صلاح الـعـزيـزي









واصل عزيزي

[@ـايل]

بيض الله وجهك اخونا واصل عزيز ...

والمحبه والمعزه في القلوب ...

وصح لسان الشاعر / عبدالله صلاح العزيزي ..

ويستاهل الاخ/ خالد بن مرشود المورقي ..

وماعليك زود يالذيب والله يعافيك....

..........

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[الشــاهد]

المعجزات للانبياء فقط عليهم السلام

[محمد العتيبي]

مشكوور يالغالي ما قصرت ..

التوقيع

للتواصل عبر twitter تويتر al_bargawy@

[عبدالمحسن الروقي]

صح لسان الشاعر مع وجود بيت لو ما قيل كان افضل وهو:
وانـا مـن أهـل المعجـزات السلاطـيـن يفـخـر بـنـا التـاريـخ لـقـالـو امـطـيـر
لان مثل ما تكرم اخوناوشاعرنا سلطان المعجزات للانبياء فقط دون غيرهم من البشر .

[الشامخ.]

صح لسان الشاعر

وشكرا لك على النقل



واعتقد ان المقصود خالد بن مريشد المورقي


هل هذا صحيح

آخر تعديل الشامخ. يوم 10-May-2009 في 09:13 PM.

[كعام المعادين]

صح لسانك مدد بلاعدد

ولك كل التقدير والاحترام

[سيف عنزه]

صح لسان الشاعر

وشكرا لك على النقل

لاهنت يا الغالي

[عمر الدغيلبي]

صح لسانك يا عبدالله

وبيض الله وجهك وماعليك زود

ونعم فيك وفي لابتك مطير

وأنا أتفق مع الإخوان في ما تفضلوا

وتبقا القصيده طيبه وبدايه رائعه

وسأكون بنتظار جديدك

احترامي

[عبدالله هادي ناشي الفليت.]

صح لسااااااان ابوصلاح العزيزي

وبصرااااحه قصييييييييده قووووويه...!!


ولاهنت اخووووووووي