عيــال صــويلح بن ســرحان والملك عبدالعزيز

[الابتر]

السلام عليكم ورحمة الله وبركاته
بسم الله الرحمن الرحيم
اللهم صل على محمد وعلى آله وصحبه أجمعين .. وبعــد
منــقــولة من احــد شيــاب ورواة الــروسان

هــذي ســالفة.. الفــارس ســعد بن صــويلح بن ســرحان ][ جــطلــي ][ ويلقــبونه جــطلي ..لنــه يجــطل الــرياجيل مــن ظــهور الخــيل ..
وسالــفة اخــوه ..الفــارس على بن صــويلح بن ســرحان ..واللــد الاديب حســين ســرحان
وابــوهم صــويلح بن ســرحان هــو اللي يقــول فالشــيخ هذال بن فهــيد في ســالفة كســوة الســرح

ملفاك اخوهملا صنم كل غـاره *** زبن المهار اليا تدانت خطاهـن
يوم الخمل جا في علاوي دياره *** خلى شجرها بحمر الجوخ يكسن

والقصــيده اطــول من ذلك ..

الوكــاد ان جــطلي هذا ..كــان سبــار وحــواف مع بن رشيــد ..واخــوه علي كان مع الشــريف ..
والملك عبدالعزيز ..قد اذهب وعطــى العطــايا على جــطلي هذا ..

ويــوم من الايــام قبــل احــدى معــارك الملــك مع بن رشيــد .. دخــل جطــلي من ظمــن جيــش الملك عبدالعزيز وجلــس ينشــد عــن الجــيش والاوضــاع عنــدهم ..ومــشى
طــلع الملك عبدالعزيز .. ونـشد ربعــه وش العلــوم ..ومن جــاكم .. ومن هالكــلام ..قالــوا جــانا واحــد قــرونه واصــلتن محــزمه ولــه شــوارب .. ينــشد ويســئل ..قــال هــذا سبــر بن رشيــد ..واللي وصفتــوه هذا سعد بن ســرحان جــطلي .. وهو ينــدب لــه ســريه قــال استقطــعوله قــدام يــدخل حــايل ..
الــوكــاد ان جــطلي هــذا يــوم وصــل حــدود بن رشــيد هــو وشمــري معــه ..دخــلوا في هــاك المــزرعه عشــان يرتــاحون ولايــدرون ان الســريه وراهم ..وهــم يكســرون عن عيــنهم ..
الــوكاد ان ســرية الملك عبدالعزيز ..قالوا خلاص خلونــا نــرجع زبنــوا الرياجيل ..وهــو يطمــر واحد معهم قال خــلونا نــاصل المــزرعه ذيك ونــرجع .. وهــم يدخلــون المــزرعه لا جــطلي وخـويه رقــود ..
يـوم اقضبــوهم ..قال جطــلي ..( العــذر منكــم لــو إنا على عــراقيبــها كــان إعــذرنا )
جــابوهم ..للملك عبدالعزيز ..قال يالله هالحــين تطــير روســهم ..قبــل لايجيــنا ابــوهـ ..وكــان صــويلح بن سرحان ..واللــد جطلــي خــوي مع الملك عبدالعزيز وشــايب كبــير.. علمــوا صــويلح ابــو جطــلي وركب ذلــوله يــوم جا للملك ..قــال اخــذ راس ولــدك عــانه فــوق الصفــاهـ ..انــطلق صــويلح .. يالكــافر ياشــراب الــدم ومن هالكــلام .. قال الملك عبدالعزيز ..( ياصـويلح والله لو ان واحــد من اخــواني يسوي ســواته ويدخل في بطني لا اشــق بطني واظهــره واســوي به ســواة ولــدك ) وبــيني وبينك الله .. قال صــويلح بيني وبينك الله اجــل ..
وتقــول زوجــة جطــلي ..من قصيده طــويله :-

ياعلي يــاويــلي على سبــرنا العــام *** سحــم الظــرايا يابــو طأأمي كلــنه

درى علي بن صــويلح اخو جطلي .. قام وخــوى على بن رشيــد وقعــد ينشــد عن قــايد الـسريه اللي ارســلها الملك ورى اخــوه جطلي ..قالوا بن ثنيــان مــدري بن فــرحان ..من ربع الملــك راح لــه علي وذبــحه .. وهــج ..واذهب عليه الملك عبدالعزيز وعطى البل والخيل والذهب للي يجيبه ..وكــل من جــاهـ يايشــح عن ذبحتــه ولا مايقــدر علــيه .. وراحت الايام ..لين ضاقت الوسيعــه على علي ..ويــزبن على نـايف بن حمــيد ..قال اسمع هــو يتقهــوى معــي الصــبح ولايجي معــه الا عبــده ..ان شفته دخــل وظهــر العــبد بــرى ادخــل علينــا قال زيــن ..يوم جا الملك ودخــل على بن حمــيد وياخذون شوي والعبد يظهــر وعلي يجــي بيــدخل والعــبد يــرده وهــو يظــرب العــبد جمــع ويــدخل .. لا العبد وراهـ دمامينه تصب قال الملك وش ذا ..قال ابن حمــيد هذا اللي ذبــحة اخــوه ..واذهبت علــيه وعطيت البل والخيل والذهب ..قال بن سرحان ..قال الله الله ..والحين هــو يبا خــوتك ..قــبل الملك وخــوى علي على الملك ..وكان الملك عبدالعزيز يقــول لايمشي علي بن صويلح وراي ..يمشي قــدامي ..ذالن يذبحه بخــوهـ ..،

وســلامتكم

[هيلاوي شقاوي]

والنعم فيهم وماقصرت يالابتر

[محمد الذيابـــي]

لا هنت يالغالي,,

التوقيع

التوقيع محمد الذيابـــي

[مطلق عبدالله العصيمي]

طــلع الملك عبدالعزيز .. ونـشد ربعــه وش العلــوم ..ومن جــاكم .. ومن هالكــلام ..قالــوا جــانا واحــد قــرونه واصــلتن محــزمه ولــه شــوارب .. ينــشد ويســئل ..قــال هــذا سبــر بن رشيــد ..واللي وصفتــوه هذا سعد بن ســرحان جــطلي





أجل عبدالعزيز كاهن او معه خويا يعلمونه الغيب

والله مادري يالاجودي بس بالنسبه لي مادخلت راسي هالسالفه