حبيب العازمي يجدد الابداع والعلاوه جبل ثابت راسي

[بدر الديحاني]

صباح الخير
شلونكم طيبين

جايب لي محاوره رائعه بين الشاعرين

الكبيرين (( حبيب العازمي )) (( عبدالله العلاوه ))

واليكم التفصيل ،



العلاوه
-
بيني وبينك ياحبيب مواعيد
فيها اتفاقيه من العيد للعيد
واليوم حان الوعد والزايد يزيد
والصبر زين وكل مطرود ملحوق
-
انا بيني وبين العازمي ميعاد = ولاحد(ن) يضمن المحضار والغيبه
-
من لاحســب للواقــعه قبل تاقع
ينسى طموحاته وينسى المطامع
مــا يقدر الهوشــه لوانه تفــارع
والصبرزين وكل مطرود ملحوق
-
مادامت صحبتك من غير ملح وزاد = اجل هذي تراها صحبت الخيبه

-

حبيب
-
ماني بخابر وعد لكن هيا
نبي نقرر وعدنا من هنيا
يااللي تثاري ليش ياابا ثريا
والصبر زين وكل مطرود ملحوق
-
لاتسرع ياالعلاوه تقطع العداد = ولا يبقى معك عداد تمشيبه
-
يامل قلبن مايبى الشعر كله
لولا العصيمي كان يمديه مله
عقدن عسى رب الخلايق يحله
والصبر زين وكل مطرود ملحوق
-
يازين الصوره اللي جات من بغداد = رسمها واحد(ن) يفتل فا شانيبه
-

العلاوه
-
قــرر وانا اقرر عســاك بمــصــيبه
مــاهي غريبه مــنك ماهي غريبه
تمسي وتصبح مع شباب(ن) وشيبه
والصبر زين وكل مطرود ملحوق
-
ماتسكت لين تونس ضربة المسجاد = وتستعرف بعلمن ماانته داريبه
-
ياشين صوره فالجرايد بدتلك
بارك وبالامراس مشدود حملك
مستور يبكيلك وملفي ضحكلك
والصبر زين وكل مطرود ملحوق
-
انا رجال لاشامت ولا حساد=لوانه صابك من ايامك مصيبه
-

حبيب
-
اول مصيبه يوم غنيت انا وانت
واخر مصيبه يوم اردك كما كنت
مادام هذي منك انا عنك هونت
والصبر زين وكل مطرود ملحوق
-
ابا الهرجه وابا الدله ماابا البراد= لكن الوقت ماتصفي مشاريبه
-
الشعر ياعبدالله ابن العلاوه
لاتحسبنه ياالعلاوه حلاوه
والصنف يحسب للموظف علاوه
والصبر زين وكل مطرود ملحوق
-
انا رجال وادرى كلمة النقاد =ومن لاله بصيره ويش اسويبه


العلاوه
-
شاعركم اللي ياعتيبه لقيته
ظلا شبح مار انقلب بسكليته
وانا برجلي في طريقي وطيته
والصبرزين وكل مطرود ملحوق
-
تبى الدله وتبغالك سيوف حداد=تصبحلك بسيف وسيف تمسيبه
-
يااللي حصلك تالي الوقت قصه
الشعر لوانه حلاوه تمصه
وانته متكي فوق ذيك المنصه
والصبر زين وكل مطرود ملحوق
-
أبا ازيدك مادام انك تبى تزداد =لكن انصحك خل التمر فاالعيبه
-

حبيب
-
شاعر بني الحارث نعرفه بالأشناب
ولا هذا ورع(ن) لاودى ولا جــاب
في برحة القزاز ســواق دبــاب
والصبر زين وكل مطرود ملحوق
-
انا في ذمتي لقضبله المرصاد=واطقه بالعصا واكسر عراقيبه
-
مادام طبعك يالعلاوه كذا روح
لا باب متقفل ولا باب مفتوح
واختامها يا جار مسمار فااللوح
والصبر زين وكل مطرود ملحوق
انا ابنيها وانا احميها مع الأجواد =واكب اللي خبيثاتن عناديبه-
-

العلاوه
-
الورع صاعك يا حبيب وراعك
في برحة القزاز لزمك وباعك
وصلك مشوارك وطير شراعك
والصبر زين وكل مطرود ملحوق
-
تهددني والاقدتك تجي منقاد=لكن الحارثي كافتك في جيبه
-
اقضب عصاتك في عفيف وتجمل
وان زانت الحملات قرب وحمل
مره بلا شمله ومره مشمل
والصبر زين وكل مطرود ملحوق
-
تطرطع ما تطرطع جاك قدح زناد=وجالك حمل تالي الليل تسريبه-
-

حبيب
-
الورع طول في الجدايل وخنفس
والورع كثر فالازره ودنفس
حنا نرده للسنع مار ينكس
والصبر زين وكل مطرود ملحوق
-
حاداني يمك المحدار و المسناد=كريم وكل طرقي(ن) تجيبه
-
ماني بجاهل واستمع في الجهاهيل
رجال وادور كلام الرياجيل
واللي يعير ما يحصل محاصيل
والصبر زين وكل مطرود ملحوق
-
مسامح روح وصلها لابن عياد=وابن عياد ما تطفي مشاهيبه
-

العلاوه/
-
خنفست لجل اصيد بعض الخنافس
اللي على طول الجدايل تنافس
واللي تربط بالحبل مايرافس
والصبر زين وكل مطرود ملحوق
-
انا برقبك فالمرواح والمعواد=لوان المسجد الأقصى تصليبه


أتمنى تنال عجابكم


محبكم
ابن مطير
بدر الديحانى

[عبدالرحمن الهيلوم]

مشكوووووووووووور يالغالي

محاوره بين صناديد الفتل والنقض
صحت السنتهم ولسانك يابدر

[بدر الديحاني]

الله لايهينك ياعبدالرحمن

ولاهنت على المرور

[الأكلبي]

محاورة ساخنة ومميزة

أتمنى عودة العلاوة فهو شاعر حقبقي

طبعا حبيب ما عليه كلام دكتور القاف

[بدر الديحاني]

الاكلبي

لاهنت على المرور

وكلنا نتمنى رجوع العلاوه

الى المحاوره فـ هو شاعر جزل وكبير

كذلك ،

تحياتي

[عبدالله الجـــذع]

بارك الله فيك يابدر

تغيب وماتجي غير بالغنايم

محاوره من طراز الأفــ 16

الف شكر لك

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[الرتوعي]

والله العلاوه نزل فيها شوي

مشكوووور يا الديحاني

وسلمت يمناك

وتقبل مروروروروري

[راع العبيه]

هذه من اقوى المحاورات اللي سمعتها بين العلمين حبيب والعلاوة والعلاوة كان في بداياته من اقوى شعراء المحاورة
ثم ختفى فتره بسبب مرضه ورجع ولكن ليس بقوة الاولى

[/عبد العزيز الجذع/]

محاورة رائعة.

صحت السنتهم.

ومشكوور يالديحاني.

تحياتي.

@

[مدرهم ابو كتيفه]

شعار كبار صحت السنتهم

واتمنى عودت الشاعر : عبدالله العلاوه للمحاوره


لاهنت يا ولد عباد