خل رعيان الغنم في غنمهم يسرحـون%% لا نشد عنا و لا ناشدين عن الضعيـف

[يوسف العازمي]

السلام عليكم و رحمة الله و بركاته



هذه قصة الشاعر / مازون بن سمران بن نهار العازمي العتيبي

انسجن في قضية و هو كان بريء منها في وقت الملك فيصل –رحمه الله-

و كان معه ابن عمه شعف بن رجيان و توجدّ و هو في السجن على ديرته و جماعته

و ذكر من وقف معه من ابناء قبيلتة في وقت الحاجة

و من تخلف عن ميقافه في حق الزيارة

بذلك الوقت , و خرج بعد مدة قضاها بالسجن

علماَ أن القصيدة تعبر عن نفسها ,,

يا شعف هيض عليه واغني باللحون=مقعدي بالحبس بين النبشتي والعريف
من ورى البيبان نصبر مع اللي يصبرون=عقب مشين بالمعزه مع الحزم النظيف
هاضني مضمونتن نقلها يزهى المتون =زرع قلبي يوم اعدي بها الحيد المنيف
و دلتين فوقهن الجماعه يجلسون =منوت اللي حطهنه على ناره صفيف
و يا طراقن من جهتنا تبون تسندون=سلمو لي على من شوفها قلبي حسيف
وعلموا بعلومنا اللي يجونك ينشدون=ينشدون عن التخاليف والعلم الطريف
ربعنا اللي يوم جات اللوازم يفزعون =في ثلاث ليال فالسجن جونا من عفيف
و ربعي اللي بالدرج يطلعون وينزلون =نعم ربعن تدحم القوم بالحد الرهيف
وخل رعيان الغنم في غنمهم يسرحون =لا نشد عنا و لا ناشدين عن الضعيف
عند زينات العذارء مغير يسنحون= وينشدون عن القرايا متى تبى تصيف

اتمنى أن تنال اعجابكم

و شكراَ

[خلف الروقي]

يوسف العازمي ماقصرت بيض الله وجهك


أمتعتنا بهذه القصة والله يرحمهم كلهم



..



,

[عبدالله الجـــذع]

قصه وقصيده معبره جدا

حيث ان الشاعر اثنى على من يسحقون الثناء

وبالعكس تماما لمن لايسحقونه

واللي يقدم الطيب يلقاه


الف شكر لك

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ابن ملفي العتيبي]

صح لسان الشاعر و الله يرحمه


ولاهنت اخوووي على النقل