أفجع خبر جاني على هجعة الناس=من فم ابو يوسف عزيز الجنابي
يقول:عمك حال من دونه اليأس=وبكرا بوسط القبر جسمه يغابي
الكون اظلم والحزن صارعساس=والدمع شرّع عقب مامات بابي
يرحمك ياعودا قضى العمر نوماس=رمز الشيّم والدين والإحتسابي
أصفى من الناريز وأنقى من الماس=مذهب ذهب ما يغتشيه السرابي
رمز الكرم والجود مبني على ساس=ماهو من اللي في جميله يحابي
تبذل يمينه بالعطاء دون مقياس=وتبذل شماله ما تحسّب حسابي
فيه المهابة والحياء فيه الأحساس=ولا هو من اللي يسحبون الثيابي
رمز الشجاعة والبطولة:ومتراس=ياقف بوجه الضيم ولاهو يهابي
تبكي أثر سجدتك يا عطر الأنفاس=ويبكي اثر ماطاك فوق الترابي
وتبكيك شيابا وقوفاَ وجلاس=وتبكيك وغدان وحريم وشبابي
عساك ف الفردوس ياطيّب الساس=عساك يوم البعث مالك حسابي
الأخ الشاعر
عبدالله يوسف الهدلان
صح لسانك
رحم الله عمك الشيخ
محمد عقلاء الهدلان رحمةً واسعه وأسكنه فسيح جناته
وجزاك الله خير
تحياتي
التوقيع |
ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد
حراً يموت وحر بالجنحان ينهض بالمطير=حمل الأمانه لو ثقيله قدها يابو فهد
وصل بن وصل الله الثبيتي |