د . حمد العصيمي ( رنين القيد ) .

[محمد العتيبي]

بسم الله الرحمن الرحيم




هذه مختارة رائعه جدا ولها طابعها الخاص ولونها الذي يميزها عن أي

قصيده كانت ..

للشاعر الدكتور / حمد العصيمي .

أزهر الورد يـا نيسـان فـي وجنتيهـا=جعل باقي ورود الارض تصبح فداهـا!
قـل لمـاء المطـر يرفـق برمانتيـهـا=قبـل تشعـر بحباتـه تساقـط علاهـا!
ثائـرة والهـدوء المفتـعـل يعتريـهـا=طفلة في وريد الشمـس تحقـن دماهـا!
جفلوهـا عداهـا وارهقـوهـا ذويـهـا=وارهقوني ذويهـا وانصفونـي عداهـا!
قيدوهـا وانـا فـوق الغمـام احتريهـا=يسعد الله مسـا الغيمـة ويسعـد مساهـا
كل ما اسمع رنين القيد فـي معصميهـا=قلت هذي يدي يـا قيـد واطلـق يداهـا
ودي امضي بهـا منـي وصـولاً إليهـا=دام هي محور الدنيـا وخـط استواهـا!
هي من الطين لكـن نكهـة النـار فيهـا=كنهـا ابنة(بروموثيـوس) وادم أبـاهـا!
شاعرة ينبـع الشـلال بيـن اصبعيهـا=والرعاء أبلشوها وشربوا نصـف ماهـا!
كل ساعه تـذود القـوم عـن راحتيهـا=مر تغضي حياء ومـر ترفـع عصاهـا!
جات تعطيني اجر( اني سقيـت لابيهـا)=ما درت باني اشرب من شظايا شفاهـا!
قلـت اصابعـك ثـروة غاليـة خبئيهـا=قالت الناس تبغى شـي يقطـع ضماهـا!
الله اكبـر عليهـم والله اكبـر عليـهـا=كيف بخلوا وهي كيف اجزلت في عطاها!
وش عليها لو اكل الطير مـن راحتيهـا=دامها محـور الدنيـا وخـط استواهـا!

أتمنى أن تنال ذائقتكم

التوقيع

للتواصل عبر twitter تويتر al_bargawy@

[@ـايل]

الله اكبر عليهم والله اكبر عليها***كيف بخلوا وهي كيف اجزلت في عطاها!
وش عليها لو اكل الطير من راحتيها***دامها محور الدنيا وخط استواها!


ياسلاااااااااام يامحمد ...

لاهنت ..وصح لسان الدكتور الشاعر /حمد العصيمي ...

ابيات لاتخرج الا من شاعر متمكن ...

...............

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[محمد العتيبي]

عزيزي / هايل العتيبي

اشكرك على تشريفك للموضوع وتواصلك

تحيتي لك يالغالي
...

[المرعـب]

صح لسانه مليووووووون شاعر جزاله

لاهنت على النقل يالغالي

[محمد العتيبي]

صح بدنك يالغالي .. اشكرك على مرورك الرائع

[سلطان نايف العضياني]

الله

قمة الإبدااااع الشعري

يسلم ذوقك الراقي يامحمد


وبلاشك لاتلحقني الشكوك فيك بشك

لاعدمناك

[محمد العتيبي]

سلطان العضياني ..

كل الشكر لشخصك الكريم على التواصل

المحفز ..

لك ودي وشكري
...

[أبونواف]

صح لسانه
لاهنت على النقل يا محمد ..

[محمد العتيبي]

صح بدنك يانواااف ..

ومشكووور على المرور الرائع ..

تحيتي لك
...

[المهاجم]

دكتور وشاعر

صح لسانه


الشكر لك محمد العتيبي.