أخر قتيل معمر القذافي محاوره قتل القذافي

[سعود الشافق]

اعضاء وزوار منتديات الهيلا

السلام عليكم ورحمة الله وبركاته

انقل لكم هذه المحاوره اتمنى ان تنال اعجابكم

سعود العاصي

الليل ياخالــد هذا ياطــوله .. بيني وبينك سالفه سريه = صدام مات وقصـته معروفه.. واخـر قتيل معمر القــذافي
اللي حصل قصه ماهي معقوله .. ياكم سمعنا فالزمان ضحيه = اكثر ضحايا الشام والا الكوفه .. واخر قتيل معمر القذافي

خالد

اللي معه علم ٍ جديد يقوله .. مار اطلب الله في صلاح النيه = كل ٍ يشوف الموت وانت تشوفه .. وآخر قتيل معمر القذافي
الوقت يصنع قصة ٍ مجهوله .. اما بحد السيف والشبريه = يقص راس الطاغيه بكتوفه .. وآخر قتيل معمر القذافي

سعود العاصي

النقل عيا لا يشيل حموله ... وازرا يعدي طلعت الجديه = ماهوب حوف الناس هذا حوفه .. واخر قتيل معمر القذافي
والمصري اقفى مابقى الا فوله .. حتى عياله خلو الطعميه = والخلطه اللي حطها مكشوفه .. واخر قتيل معمر القذافي

خالد

النقل والسواق واللي حوله .. لو يمسكون الخط ابو حدريه = ابرك من الدرب الخطر وجروفه .. لا يلحقون معمر القذافي
لا والله الا انحلت الصاموله .. حط الك وسط القاهره محميه = تسلم من ضروف الزمن وصدوفه .. وآخر قتيل معمر القذافي

سعود العاصي

مالك ومال العالم المهبوله .. خلك مابين المزح والجديه = لا تلحق اللي راح ماله شوفه .. اخر قتيل معمر القذافي
سرعتك هاذيه ماهي معقوله .. مار انتبه لا هنت للدوريه= وساهر ترى مافيه شي يطوفه .. اخر قتيل معمر القذافي

خالد

ماهمنا جور الزمان وهوله .. ناطا على راس الحنش والحيه = مانلتفت للعالم الملقوفه .. واخر قتيل معمر القذافي
ساهر يبا ياخذ علاك اعموله .. سيارتك لوحاتها مخفيه = سعود بيًن لي خفاه وخوفه .. واخر قتيل معمر القذافي

وسلامتكم

[محمد ابن رووق]

جميله والوقفه لحالها كم تمنيت لو كانت بالصوت

[محمد الذيابـــي]

الله


صحة الالسن


لاهنت

التوقيع

التوقيع محمد الذيابـــي

[سعود الشافق]

اخواني صحت ابدانكم والله لا يهينكم على المتابعه

[فتى البطين]

ممتازه جدا واعجبني المنعطف هذا


النقل والسواق واللي حوله .. لو يمسكون الخط ابو حدريـه
ابرك من الدرب الخطر وجروفه .. لا يلحقون معمر القذافـي



وصح لسانهم

[سعود الشافق]

فتى البطين صح بدنك

مرورك شرف

[عايض مثقاب الزراقي]

محاوره جميله

لا هنت على النقل

[سعود الشافق]

عايض

لا هنت ع المرور