غاب اتصالك ياهوى البال وش جاك ؟

[نايف العبيد العتيبي]

غاب اتصالك ياهوى البال وش جاك=قلي عسى ماشر وش اللي جرالك
جوالي يشكي من غيابك وجفواك = وأنا بعد مثله شكيت ارتحالك
تبي الحقيقة كلبونا فقدناك = الله وأكبر منك ياطول بالك
كاني عليك أخطيت أبشر وأنا فداك=بالحق ومايلحق وكلّي حلالك
وكانه دلال وغنج يازين يزهاك=نايف ماهبّل فيه إلاّ دلالك
أموت بك واتعب لجل خاطر رضاك=وانته بقلبي ياحبيبي لحالك
العيد قرّب والمحاديب تنخاك=ارجع ترى عيديّتي في وصالك
خايف يفوت العيد وآنا اتحراك=ودّي صباحي يبتدي باتصالك
قل لي : من العايدين قل لي : أنا أهواك=عايدني قبل أهلك وعمّك وخالك
بلبس جديدي وانثر الطيب وانصاك=واروي جريدي من سحايب زلالك
وآعايدك والعيد شوفة محيّاك=عيدك سعيد وجمّل الله حالك
ضامي عطش ملهوف وارد على ماك=فاقد وعي من صحوة الموت جالك
مجنون ليلى لجلها داس الأشواك=وانهى حياته لجل ليلاه هالك
وآنا اعتبرني يالغلا من فداياك=بمشي لك دروب الخطر والمهالك
خذني عن عيون العشاشيق لحماك=راقب حقوق اللي نصاك وعنالك
أبيك تاعدني وآنا اوعدك ما انساك=أصلاً أنا وش لون أدوّر بدالك
أبيك ياروحي من أقصاك لأدناك=أبيك كلّك وأنت سو مابدالك
شاعرك ميّت فيك ياشمس الأفلاك=مثل القمر يتبع خطاك ومجالك
خلاص عاد ارجع ترى الصد فتّاك=طالبك طلبة ترحم اللي وفالك

[محمد الذيابـــي]

,,

صح لساااااااانك يالغالي

لا هنت وبيض الله وجهك

,,,,,

التوقيع

التوقيع محمد الذيابـــي

[سعد بن مطلق المقاطي]

صح لساااااااااااانك

التوقيع

ديــــــــــــــــواني

[نايف العبيد العتيبي]

تسلم يامحمد على هالحضور الأميري يالغالي
وصح بدنك مليااااااااار

دُمت بود

[نايف العبيد العتيبي]

سلمت ياسعد ولاهنت
وبيض الله وجهك على المصافحة المشرفة

/

دُمت بود