ليت ابو نجر يركز على مستقبله..

[مرزوق حمدان العتيبي]

.
مسيك بالخير يالمرعب .. مباشر لاهنت ...

مادام ابو نجر النفاعي شاعر ٍ توّه صغير = ليته يكب الشعر ويركز على مستقبله
يوم الشعر فتل ونقض وابداع منقطع النظير = كم واحد ٍ وقف على بابه وضيّع مدخله

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محمد النخيش]

الله الله ياسلام عليك يامرزوق صح لسانك


بدايه حاميه وسجلوني متابع


بس معليش يامرزوق تراني عنصري في صف ابو نجر:d


هههههههه

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[مرزوق حمدان العتيبي]

..
.
مرحبا يابو مناسب ..
اهم شي نرى تواجدك ... والصف واحد

[أبو نجر النفيعي]

الصغر والله ما يعذرب راعي الفكر الكبير = يا راعي الفكر الصغّير كب عنك المهزله ..!!
الله يخلّي قيس وآبو نجر ويخلي جرير = وبابٍ يجيب الريح يا مرزوق طعني قفّله ..!!

التوقيع

.....

[أبو نجر النفيعي]

..
ههههههههههه

ارحب يابو مناسيب ..

والصف منور وعامر بوجودك ..



.

[محمد النخيش]

الصغر والله ما يعذرب راعي الفكـر الكبيـر
يا راعي الفكر الصغّير كب عنك المهزله ..!!


الله الله عليك يابو مفلح صح لساااااااااااانك

[أبو نجر النفيعي]

..

صح بدنك يابو غازي ..

[مرزوق حمدان العتيبي]

..

المشكله فاللي يفسرها على الفهم القصير = ياللي سبب هالمشكله... ساعد بحل المشكله
ان كان تعبك الحمل قطه على ظهر البعير = وارتاح في ظل البيوت اللي علاك مظلله

[أبو نجر النفيعي]

ارتاح يا مرزوق دام الناس والدنيا بخير = لا تضمن الدنيا على راسك مهيب امحوّله ..!!
يا راعي البابور مرواحك على البحر الغزير = ماكل شيٍ ياولد حمدان منّك نقبله ..!!

[مرزوق حمدان العتيبي]

..
يالطيف يالطيف

استغرب انك فاقد اعصابك وتفكيرك مثير = خلك معي فاللي رسمته لاتحاول تجهله
انا زبون الاوله ماجيت بالصف الاخير = واللي طرالك وسط بالك يا ابيض الشارب قله