اعتذر لكم عن الغياب في الفترة الماضية واسمحوا لي اقدم لكم
هذه الابيات المتواضعه ان شاء الله تنال على رضاكم
هلا باللي لها عيني وروحي كلها تشتاق = هلا باللي ذكرها في كثير الوقت احيا به
هلا باللي اذا غابت علي الكون كله ضاق = هي شمعة العمر ونور لدرب مشينا به
هي اللي روحي على قربها تشفق عليها اشفاق = شفقة البدو للامطار ودعوى رب رجينا به
اخايل زولها مثل البدو لمخايل البراق = لعل الخير في رجوا الولي يفتح لنا بابه
صحيح الود يحرق ياجماعه للضمير احـراق = ماغـير اجمع قصيدي ياحبيبي واتسلى به
انا المغرم وانا الهايم وانا الولهان وانا العشاق = وانا اللي مارضيت بغيرها وكلا له احبابه
انا مومن وربي جل شانه كافل الارزاق = عسى الله يقسمه لي في حياتي واتهنا به
انادي باسمها في كل وقتي واكتب الاشواق = واعيد اللي كتبته من ظروف الوقت واقرا به
على وضح النقا والعشق دايم سلوة الخفاق = ونار العشق بضلوعي لها عامين شبابه
تعاهدنا على طيب النوايا ونحفظ الميثاق = ومقصدنا شريف بسنة المعبود وكتابه
تمثلت وكتبت من الشعر ياصاحبي مالاق = وباهديك القصايد ياحبيبي لجل تقرا به
نمر يشكي على وضحى وصدره من زمان ضاق = وانا مثله حزين ودمعت الاعيان سكابه
عسى ربي يصبرني على ساعة لقا وفراق = لاشك ان الامل في كل لحظه نحسب حسابه
وسلامتكم ،،،،،
اخوكم : غريب ومسافر
مجاهد محمد العطوي
آخر تعديل غريب ومسافر يوم 01-Oct-2007 في 04:25 AM.