حبيب.. القرقاح قوويه

[المزنكي]

هذي محاوره حبيب والقرقاح

قديمه لا كنها اعجبتني وحبيت اطرحها لكم


حبيب

هبوب السعد سرت ومرت على خير.......تمر الدقايق في حساب الثواني

ولا يا حصاة ارزاح قدامك النير.........يرجعك يم ارزاح ولا اقحطاني


فلاح


هبوب السعد يم القحاطين ومطير.......... وباقي عباد الله في وقت ثاني

لو ان العجاجه عجها يطرح الطير........... ماشفناك بين الخاصره وحلباني

حبـيب

مقادير يا ذيك الليالي مقادير.......... بعد فرقت بين الثنين الخواني

هذي دارنا في وقت سوق المظاهير ...... ولا جيتها الا في زمان الاماني


فلاح


نعرف المجاهيم ونعرف المغاتير.......... ونضمن سلامت من نصانا ضماني

انا من رياجيل تهز الطوابير............. تجيني هداياكم وانا في مكاني


حبيب

لو الخطايا كفرتها المعاذير......... مانطرحك وانت فوق ظهر الحصاني

امرتك ماخلتك ترعا النواوير..........ولو ان عندك قلب شلت العواني


فلاح

تصلط على اللي ياكلون الخوابير......... ودور معي غير المعاني معاني

.... عودن كنه يويق في بير........ يعد المسافات ويعد المباني


حبيب


عطيتك ذهب مضمون ماهو بقصدير....... ولا كن من كثر الخطر ما تداني

ميامين يا قحطان ولا مياسير.........اضن السلامه ربح والعمر فاني


فلاح

حبيب حبيب يا حبيب الجماهير.......... يقوله لك القرقاح مثل السناني

ترانا الفحول اللي تكف المظاهر..........ترجاك ما يلحق وسيع البطاني

حبيب

وانا اقول يا محبوب كابل وكشمير.......... محبتك للمه ولطالباني

بعارينكم واجد ويستاقها بعير.........بعير" يسوقها من جنوب المحاني


فلاح

ماقص الرقاب الا السيوف البواسير..........من اللي يبيع السيف بالخيزراني

لولا هبات اللي كل راسه صعاطير........... ماجبت البقوم اهل تربه وشهراني


حبيب


يطيح الورق ولا تطير العصافير.......... انا ماحظرت لواحد" ما دعاني

مدام ان في كلمتك ظلم" وتزوير............ ترا مع عبيده كم واحد يماني


فلاح


هذا الروقي الليله يبي حسن تدبير........... لوني مانيب اكحل عيونه كلاني

حرار" تكافخ والحباري مخامير..........لها ماضي" لمن ذكرته شعاني


حبيب

تدور على الجنه وطحت بزمهرير.......... وانا اكحلك وانا اكويك بين الاذاني

مدام انها وصلت لروس المناعير............. حرام" لوصلها سهيل اليماني


فلاح

يا جساس انا سقم العدا سالم الزير......... اسوقك مثل سوق البيعر العماني

...ولا فيكم رخوم ومعاثير......... ليا ثور البارود والجبخاني

حبيب

.... سحب كنه تفوق الزنافير........ ونساك حتا اسمك فلان الفلاني

ترا الشك زايل لو حصل منك تقصير........انا متعقد حجتي في لساني


فلاح


ترا ماعلي من نظرت اصوير وعوير....... وصفق الهبايب ما يحطم كياني

....الجمر الاحمر وطتكم بجنزير......... وحصلت عيد" مثل عيد ارمضاني


حبيب


ترا زبدة الرجال منطق وتفسير.......... وانا عن طريقي مخبر اللي حداني

اخبر الدعا من قسم منسا الحناجير..........واخبرك مطوع مير ياليل داني


فلاح

مع اللي يبيع المسك ماننفخ الكير.......... ولا نفتكر بالقوم قاصر وداني

حرام" على المسلم لحوم الخنازير.........وانا داري انك داهيه مير اناني


حبيب


لو اكسر ضلوعك مثل كسر القوارير......... تضيع نسيم المسك والزعفراني

اثرك تخطط يابن ريفه لتفجير..........وفجرك واحد شغلته قلباني


فلاح

ترا الملبعه ماهي بخرج" على ضير........ تشره على متعب ظهور السواني

راع المزرعه في جعبته بر وشعير..........يبي يدرج الاسوق والحيل واني

[@ـايل]

لاهنت يالمزنكي ..والله يعافيك ..

وصحت السنت العمالقه ..

....

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@