‏))_ مناشدة سجين _((

[القسامي511]

}}_بسم الله الرحمن الرحيم_{{

السلام عليكم ورحمة الله وبركاته

هذه هي المرة الثانيه اناشد فيها قبيلتي الغاليه على قلبي ، عتيبه الهيلا ، اناشدهم بهذه القصيده التي تتكلم عن نفسها ،

وانا الان اكتب لهم من داخل السجن عن طريق الجوال إنترنت عسى ان يجد صوتي من يجيبه ،،،

كذالك ارجوا من القائيمين على هذا الصرح الشامخ ثبيت هذا الموضوع تكرما منهم وليس امرا عسى ان ينفعني الله به ،

ابنكم السجين : محمد بن خالد القسامي ،

{{_ سرى الليل _}}

سرى الليل ياعين،ن عليها السهر قد بان =
سرى الليل ياعين،ن برى الهم راعيها ~

سرى الليل ياعين)ن( بها الحزن والحرمان =
سرى الليل ياعين)ن( عنى الوقت مشقيها ~

سرى الليل ياعين)ن( تبي شوفة الخلان =
سرى الليل ياعين)ن( بكت فقد غاليها ~

تهل الدموع ودمعها كنه الودان =
من الصبح لين الليل والحزن غاشيها ~

وانا ودي اسلى مير ماصار لي سلوان =
هموم،ن لجت في خافقي وين اوديها ~

مغير اطلب الرحمن واقول يارحمن =
إتفرج همومي كلها وانت واليها ~

انا اخطيت وارجوا منك ياربي الغفران =
خدعني إبليس وخدعته ويش اسميها ~

وانا من ثلاث إسنين وانا ورى القضبان =
مغير اتحرى العفو والنفس امنيها ~

اليامن ذكرت الاهل والربع والجيران =
بليا شعور اقوم واصيح اناديها ~

أبي فزعة الصدقان إذا فيه لي صدقان =
همومي ثقيلة كيف اقاوم واناحيها ~

وابا فزعة الاخوان والمسلمين اخوان =
وناس)ن( تسوي خير ربي يجازيها ~

وانا طالب)ن( ربي له الملك عال الشان =
يهد النفوس ولا تبيح خوافيها ~

إمقدر ومكتوب)ن( على جبهة الانسان =
الاجال والانفس لها حد ينهيها ~

وانا انخى عتيبه تاج راسي على الامتان =
رجال)ن( على البيدا تثبت خطاويها ~

وباق القبايل كلبوها بلا حقران =
لها وقفة)ن( وحقوقها ماتخليها ~

عتيبي واصيح بعالي الصوت للعتبان =
اليا قيل للهيلا سعدها يباريها ~

تحت حكم اخو نوره نعيش بسعد وامان =
سعودية)ن( عز)ن( علينا ونغليها ~

وطنا وطنا ماندور سواه اوطان =
بها قبلة الاسلام واطهر اراضيها ~

على شانها مهما دفعنا من الاثمان =
ندوس العدو وبالروح والله نفديها ~

وابختم كلامي وسمحو لي عن النقصان =
هجوس العتيبي واسمعو وش معانيها ~

وصلو على سيد البشر خاتم الاديان =
على اشرف عباد الله صلاة)ن( نصليها ~

،،، محمد القسامي ،،،

[محمد النفيعي511]

الله يكون في عونك ويفكـ أسرك وأسر جميع المساجين المظلومين

[خلف العتيبي]

مكان السجين؟

هل عليه ديه؟ وكم؟

ماهي المده النهائيه لتسليم الديه؟



الموضوع مبهم..

نتمنى من كاتب الموضوع أن يزودنا بمزيد من المعلومات حتى نستطيع أن نهتم بالموضوع..

[ذيـب الـهيـلا]

الله يفك أسرك

بس لو سمحت

وين المعلومات

[القسامي511]

تفضل إلى هذا الرابط ، ستجد المعلومات ، بإذن الله ،،،

http://www.otaibah.net/m/showthread.php?t=37771

[خلف العتيبي]

أخي الكريم أين تريد القارئ أن يبحث في مواضيع ثانيه عن معلومات السجين..

نتمنى منك إعادة طرح الموضوع بشكل كامل.. مع وضع أسم السجين ومكانه وإذا كان له أبناء والديه وآخر موعد لتسليمها وكم جمع منها.. الخ.. من الأمور التي تضع القارئ في قلب الحدث..

جزاك الله خير..