تحية للفارس " هذا معنى القبع

[القبــع]

اخوي الفارس سؤالك عن القبع وش معناه انا علمك به القبع وانا اخوك

من بني عمك الدغالبة " الاد النعيري" من عيال منصور برقا .

اما ليش هالاسم فتبيني اعلمك ترا القصة طويلة مار الله يعينا وهي التالي:

جدهم الاول اللي هم " القبعة " كان في احد ايامة مع حياة محصن بن ربيعان

الاول قبل ما تنزل عتيبة واقول" قبل ان ترجع عتيبة الامنازل اجدادها من هوازن

في نجد" ونازل مع الروقة والرباعين مدة حوالي 5 سنوات , والرجال كان

فارس من فرسان قومة لاكن الحال الجسمية والمادية لم تكن لتساعدة , وكان

دائماً مع الرباعين في كل مغزاء والرجال يفعل ما يمليه واجبه تجاه القبيلة

الرجال ماكان يعطى من الكسب الا البسيط تخبر حقة او ناقة رباع,

المهم الرجال بلع اللي يصير معه وش تبيه يسوي اليد الوحدة ما تصفق, المهم

جا هاك النهار لا عليهم مغزى من سليم ومعهم بني عمر من حرب يبون الابل

قامت المعركة بينهم وكن الغلبة على العتبان "نوب عليك ونوب لك"

المهم كثر الطراد وكثر الهوش عند الارواح معادنهي يمن الكسب بعض الرياجيل

معاد يبا الا الخلاص من الشر , وبن ربيعان عند المتلين يفتك هذا ويضرب هذا

" وهذه المعركة اضهر ابن ربيعان كم هو حريص على حماية ربعة تخبر هوه

عقيد القوم ولمن طاح عقيد القوم او جاه ما يجي المتخاذلين لذهبوا ربعه

خوينا القبع ظهرله في هاك اليوم فرسته ومدى بسالته وذبح من الرياجيل

وقعد عند بن ربيعان يحمي الساقة والرجال ولا به قصور من الاخرين قد

اظهر من شدة الاقدام الشيء الكثير وكان يطعن في نحور الخيل ووجيه

الفرسان وهو يقطع بالكلام وعنى بن ربيعان ويقول

"كله من شان من عطاني حقة, نطعن عقيد القوم ونعقة"

بن ربيعان قال للفرسان من ربعة " ابك سوو مثل ابو قبع ابك سوو مثله"


القبع ولأن فرج بن هلال بن غانم هو اللي يلبس القبع اللي يشبه القوقية

حقت الترك ومثل قوقية هذال بن فهيد فارس عتيبة الشهير,

تخبر يجعلونها فوق العمامة حتى تدفيهم وتمسك عمتهم,

بن ربيعان سمع وش قال القبع عقب ما افتكوا عمارهم وكسروا القوم عقب

ما الهية كانت علاهم انقلبت لهم وبفضل الله ثم بفضل بن ربيعان والقبع

وبني عمة الروقة " فطن لكلمة القبع وعطاه ما يستاهل على ماقفة الطيب

عند بني عمة وقدم نحور العدوان , ومن عقبها صارت نبزله وركبت عياله

الا حد الان "

هذا سبب الاسم اللي حنا نتسموابة الا هذا الوقت وسلامتك

[’’الفارس’’]

والله والسبعة آلاف نعم بك وبجدك القبع

والدغالبه معروفين سلفا بكثرة فرسانهم مقارنة مع عددهم القليل

مشكور يالقبع على التوضيح ويعطيك الف عافيه


اخوك الفارس الدعجاني

[القبــع]

بيض الله وجهك يبن مفلح ,

والدغيلبي والدعجاني كلهم مثل بعض , قليلين لكن مثل الجمرة من وطاها نزلت جلدة

كما يقول الشاعر العربي :

تعيرنا انا قليلً عديدنـــــا

فقلت لها ان الكرام قليلُ؟!!!

والدغيلبي والدعجاني فزعتهم لبعض حارة وجيرتهم لأنفسهم باره "

ودمت ولا يهونون باقي عتيبة

على فكرة أنته ميا الاد مفلح؟

[’’الفارس’’]

والدغيلبي والدعجاني فزعتهم لبعض حارة وجيرتهم لأنفسهم باره "

و مفلح هو جد الدعاجين و الدغالبه ............. على ذمة هنيدس

وبالنسبه لي انا من الملابسه طال عمرك