 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
29-Sep-2011, 03:48 PM
|
رقم المشاركة : 1 | |||||
|
ما اقدر ارشحـك واتـرك تــــــهاني @@وخلك معي رشح اسيل ورزانـــــــــي>>>>!!
اقول تخبرون الانتخبات الي سووها قبل خمس او ست سنين
وذيك اللجة والشيل والحط والبشوت والبخوت والصور في الجرايد وذيك المخيمات الطويلة العريضة واللبمات والاكباس الي فوقها وذيك العشوات والمفاطيح ولمة العالم بكل برحة من برح الرياض والي حاطن له مؤتمر وفيه محاضرين ومشايخ والي جايب له اكبر شعراء مهايطية لا وبعد صارت نخاوي ...كلن ينخا قبيلتوه وربعهوه..وجماعتوه وعيالوه وخوالوه المهم طلعت النتايج ..وفاز الي فاز وقعد الي قعد .. وبعدين وش صار ..؟؟؟ بلدياتنا هي هي تعطيل في المراجعات وتعقيد في الانظمة ... والدعوى سايحة دايحة في محلات المطاعم والبقالات والنظافة على ماهي عليه والشوارع على حفراتها ومطابها القشر الي كسرت ودمرت عكوس سيارتنا وكل ما جانا سيل زبنا عند ارفع شارع ...لا تصريف شوارع ولا غيروه والزحمة بكل مكان وتزيد سنه ورا سنه ....!! المهم نسينا حتسي هالمجالس ومرشحينا الي مابقى من ذكرياتهم الا صورهم بصراحة .. ولا بدون صراحة ... تبون الجد ....انا كل ما شفت ها الانتخابات الجديدة الي تاخرت ..بسبب والابدون سبب ..؟؟ و الي صورها بكل عاير وعند كل اشارة تلقى هالمرشحين الضعوف عايثين بانفسهم وطاقين هالبشوت والا النظارات الفخمة والا هاللوك الرائع وشف الشعارات الي يكتبونها على بناراتهم الاعلانية الي يحطي لي شعار التمنية ..وهو تخصص وزارة التخطيط والتنمية (مال اموه علاقة بالمجلس البلدي) والا شعار التوظيف ...........وهو تخصص وزارة الخدمة المدنية ...كما (مال اموه علاقة بالمجلس البلدي) والاشعار صوتك يصل الى المسؤل ....مادري الاخ ان المسؤلين وصلناهم وحاطين لنا بعد تلفون للبرقيات .؟؟ وصايرتن سالفة ما بعدها وتسن هالمنتخبين يبون يفرشون لنا الارض وردن بلا شوك استغرب ...بصراحة مدري ..وش حاسين فيه ذولا ..؟؟؟ اقول روقونا تكفون ترى القمر هو هو والشمس هي هي والعقار مرتفع وقروشنا بلاسهم يخلف الله وش تبون تطولون ..؟؟؟؟ يا مرشحين وش تبون تطولون ....يالحبيايب .....!! روقونا شوي ... .................................................. .... قبل مدة جاني واحد مثلي من فئة المتفرجين ... قال ماتدري وش صار على انتخبات ديرتنا في الشمال ههههههه قلت لا يابعدي وش صار قلنا ..؟؟ قال اتفقو هلا الديرة ان المرشحين بيعطون صوتهم لفلان وفلان .... وتركو فلان الي متقاعد وهو مهندس كان يشتغل بارامكو ....!!؟؟؟ قلت بذمتك قال ايه ....؟؟؟ قلت ليش هذا مهندس وفاهم وعلى ماقيل يمثل بلدوه خير تمثيل .....!! قال : ان الشيبان يقولون ان فلان وفلان ضعوف وعليهم ديون واقساط ونبي نرشحهم عشان مرتب المجلس البلدي يغطي مصاريف عيالهم ..(مرتب المجلس ثلاثة الاف ريال ) قلت طيب والمهندس رفضوه وهو من جماعتهم .؟؟؟... قال ايه لانوه تقاعدوه من ارامكو كبير ....!! ولا عليه قاصر قريشات .....!! امممممممممممممممممممممممم الانتخبات والفهم والراي ياناس ..؟؟؟؟ ياناس المجالس البلدية في العالم تراها لخدمة البلد والمواطن موب توزيع رواتب وفلوس وبس ...!! قال يابن الحلال الشيبان ابخص ......!! ............................................. بعد ان شفنا القصور في فهم الناس للانتخابات والتعصب القبلي الي فيها ..من قبل عيال ادم نبي نجرب عاد بصراحة انتخابات بنات حواء ...؟؟؟ هل بيحطون البنات مخيمات ..ومفاطيح ..ويجبون بعد شاعرات .. ومحاضرات دينيه الله يجزاهن خير ويكتب اجرهن وبعدين اذا ترشحو ....هل بيحطون صور لهم في الشواراع ..كمرشحات ..؟؟ اذا طلعو وجيههم قال هذولي ليبراليات ...كاشفات اذا تغطو غطوه كامله ...قالو هذولي متشددات اذا تنقبو ...قامو الناس يقزون من هي احلى عيون ...ورشحهوها معليش يا حريمنا هذولا هم ربعنا ...تصدقون والا ما تصدقون ..؟؟؟ والله يعين الي بيترشحون بذاك الوقت لان هبت الرياح بتصير يم الحريم على قولة الشاعر ناجح العنزي : ياحمود سامحني ونا اخوك ياحـمود ما اقدر ارشحـك واتـرك تــــــهاني غالي يابو خالد ولاكن لك حــــــدود مابغاك تزعل حط نفسك مكـــــاني لو شفتها ياحمود وعيونها الـــسود تقول ياربي وش الي بــــــــــــلاني ماشفت صورتها قبل صوره نـجود غطت على صوره حنان وامــــــــاني ابغي اصوت وارجع اصوت بزود يمكن يحسبونه لها صـــــوت ثانــــــي ياحمود ماتلقى اكثر الناس موجود لو الملك اصدر قراره زمـــــــــــــا ني وياحمود سامحني على كل منقود وخلك معي رشح اسيل ورزانـــــــــي .................................................. ........................... دق علي البارح واحد وقال لي تولم نبي صوتك ......!! قلت له اقول : صحيح لجنة الاتضباط وقفت حسين عبد الغني ثلاث مباريات .....؟؟؟؟ .................................................. .......................... وكل انتخابات وانتم بخير وسامحوني ....!!! للامانة منقول |
|||||
|
|
|
|
|
|
|
|
|
|
29-Sep-2011, 04:07 PM
|
رقم المشاركة : 2 | |||||
|
كلامك في المكاسب التي سيجلبها المرشح في حالة فوزه صحيح لافائده تذكر لكن المشاركه لها فائدتين :
1)تجلب للفائز مصلحه ماديه يحصل على مكافئه ويمكن يحصل على منحة أرض 2)تعوًد الناس على ثقافة الانتخاب واختيار الانسب في اعطائه الصوت بامانه فهل هاتين الفائدتين ماتجعلك تغير قناعتك تقبل مروري |
|||||
|
|
|
|
|
|
|
|
|
|
|
29-Sep-2011, 04:15 PM
|
رقم المشاركة : 3 | |||||||
|
هههههه منقول من هم الى هم
الله يصلح الشان البلديه وتقصير حاصل لامحاله شكرا لك
|
|||||||
|
|
|
|
|
|
|
|
|
|
|
29-Sep-2011, 04:17 PM
|
رقم المشاركة : 4 | |||||
|
هههههاي
زانت علومكـ يابعدي مثل ما تفضلت تبى الصراحة أن الأنتخابات مامنها فائدة الاّ للمترشح و كلها على شان القريشات الله مار يسلمك والسيارة اللي بيحصل عليها ... هههه وقولك يوم تقول يرشحون اللي عليه قاصر مادة والله انها فكرة جيده .... يا سنايدي كلامك ذكرتني بكلام الشيبان بالعصريات وهم يناقشون الاوضاع السياسية والاقتصاديه و الاجتماعيه .... أما عن المترشحات تقول يحطن البراقع ولا بدون ... أظنهن بالبراقع أزين منهن كاشفات يا سنايدي ... يخلونهن على العيون والهدوب أبركـ ههههههاي ..... وان كان لهن مخيمات أضن اللي بيتكلف بها المواطن ... كلن يقول الزود عندي ..... تقبل مروري واسعدتنا بالموضوع المضحكـ وصح لساااااان الشاعر ــــ |
|||||
|
|
|
|
|
|
|
|
|
|
|
29-Sep-2011, 04:59 PM
|
رقم المشاركة : 5 | ||||||
|
اقتباس:
يحافظ على حقوقي كمواطن في البلدية مو يخيلني اترجى فلان وعلان يخلصني من معاملة قاعدتن عشرة اشهر والا احتري لي شاراع سفلت له سنتين والا ابخشش عامل النظافة بعشرين ريال عشان ينظف الي حول بيتي ورقابة قوية على اسعار البقلات ومستوى النظافة في المطاعم هذا الي حنا نبيه |
||||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
