اسما ولاء لاغلى ملك والد بار للشاعر/ نايف بن حليمه

[ابن حليمه (اميرالقوافي)]

قيلت هذه القصيده بمناسبة اقامة سباق القدره والتحمل للخيول العربيه في مركز عروى0

اسما ولاء لأغلى ملك


أمجادنــا ورث من أكبار لإصغـــــار 000 وأحـد عمار المجــد وأحــد دمــاره

يامقـــدم الهـيـلا على مــــر الادوار 000 عــــز الفخـر فيكــم ومنكــم عماره

بأسم الحضور وبأسم جهجاه نختار 000 در مــن الياقــوت وأغلى أحــجاره

أهلا هــلا بفيـصـل مــرار وتكـــرار 000 أبـن الاميــر أحمـد حفـيـد الامــاره

في حلــة العتبــان وافيــن الأشبــار 000 نثنــي له الترحيـب في وسـط داره

ويامرحبا باللي حضر سـر واجهـار 000 فالمهـرجـان اللي ثبت عن جـداره

وقبل ثـلاث شهـور شفتــو بالانظار 000 تلاحــم الهـيــلا بعـــز وجســــاره

بــرقا وروق بـمــجــدهم دوم تحتار 000 هيــلا مهيــله مجـدهم فــي مـداره

يفـــرح به الطيب مثل وبـل الامطار 000 واللي بقـلبـه ( غـل ) زاده مـراره

مانـلـتـفـت لإقـلام حــاقـد ومحـتــار 000 مــدام مـــوقفـنــا يــزيــده حقــاره

لا صــارت الافعــال تحكـم بالاشوار 000 والديـــن نبـراس وعالي شعـــاره

ماينثــنـي رجــل عـشـق شبـة النار 000 ورجــل بليــا ديـن ينـقــص وقاره

قالـه ولد صنهات في جزل الاشعار 000 واصبــح مثــل ينقـال في كل حاره

( آخيـر منــهـا ركعـتيـن بالأسحــار 000 لاطـــاب نــوم الله حيـاته خساره)

عـز وشموخ ودين وتموت الاشرار 000 في ملتـقـى الهيلا إبفصيح العباره

أفــكــار تـنـبـذ كــل هابــي وغـــدار 000 وتبــني تـلاحـم شعـب حدد مساره

آسمـا ولاء لأغــلى مــلك والـد بـار 000 وأغلى ولاء لآسما وطن عز جاره

في ظــل من فضله شمل كل الاقطار000 وخـدمـة بيــوت الله تزيـد أفتخاره

نــادر حــرار فـٌذ وإخـوانـه أحـــرار 000 آل السعــود ومعتـليــن الصـــداره

وولـي عهــده كاسب فضـل الأبـرار 000 عطـاء يميـنــه مادرتــبـه يـســاره

في حفل عروى جهزن خيل وامهار 000 قـدره وتحـمـل للخيـول ومهـاره

منقوش اسم سلطان بالطيب والكار 000 كاس البطــوله بأسـم سطان شاره

ونايـف وزيــر الأمن لـيـث ومغـوار 000واحمد عضيده كل ما أصدر قراره

وأميـــر نجد أبو الوفاء طير غيمـار 000سلمان سقــم اللـي بـراسـه نعـاره

وختامها صلـو على خـيـر من سـار 000 المصطـفى اللـي بعثـتــه بالبشـاره

الشاعر / نايف بن غزاي بن حليمه
( امير القوافي 2006 )

[مرزوق حمدان العتيبي]

بــرقا وروق بـمــجــدهم دوم تحتار 000 هيــلا مهيــله مجـدهم فــي مـداره

يفـــرح به الطيب مثل وبـل الامطار 000 واللي بقـلبـه ( غـل ) زاده مـراره

مانـلـتـفـت لإقـلام حــاقـد ومحـتــار 000 مــدام مـــوقفـنــا يــزيــده حقــاره

..
صح لسانك وجمل الله حالك
...
والله يحييك في محلك ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محب الهيلا]

قصيدة من اروع القصائد

مشكور

[ابن حليمه (اميرالقوافي)]

مع اجمل

تحيه

للاخوان

( مرزوق حمدان العتيبي )

و

( محب الهيلا )

دمتم بعز


تقبلو تحياتي