الدوله اللي لها عزٍومجدٍ تليد ضاقت من الحزن في توديع سلطانها

[ابو هليل09]

ضيّق عليّ الحزن واخترت طرق القصيد= انقى من اجزل بيوته وارخي عنانها
راضي بالاقدار والعبره لمن يستفيد = دنيا الشقا لوتزين تلوعك احزانها
الدوله اللي لها عزٍومجدٍ تليد= ضاقت من الحزن في توديع سلطانها
سلطان في ذمة اللي كلنا له عبيد = تبكيه دولة هل العوجا وسكانها
وتبكيه كل العرب في كل محفل جديد = وتبكي على فقده الرملا وورعانها
(سلطان) ياخادم البيتين جعله شهيد = في جنةٍ يقطف عنبها ورمانها
وقفتك قدام جثمانه وفكرك بعيد = تسري بفكرك حياته قبل جثمانها
يا ما اكبر الحزن بعيونك وصبرك شديد= مالومك إهو السند لك وانت ربانها
سلطان يامن رسمت اسمك على كل بيد = لين اثمرت لك حدايقها وبستانها
من يجهلك وانت للايتام في كل عيد = ومن يجهلك وانت تمسح دمعة ا عيانها
ومن يجهلك وانت للمحتاج كلك رصيد = ومن يجهلك مدتك ترجح بميزانها
ومن يجهلك وانت للعدوان خصماً عنيد = ومن يجهلك وانت مروي حربة سنانها
ومن يجهلك وانت ذو حكمه ورايٍ سديد = ومن يجهلك والمعارك خضت ميدانها
سجل ياتاريخ سلطانك بفعلٍ مجيد= في لوحة اعظم ملوك الارض وازمانها
الشعر يقصر ولاياصل مقام الفقيد = لإنه اكبر من القيفان واوزانها
ياشجرةٍ طلعها حكمه وعقلٍ رشيد = تنبت تلاحم وفاء والحب عنوانها
ويالله تحفظ ولاة الامر من كل كيد= خادم بيوتك ونايفها وسلمانها

[فيصل مطر]

من يجهلك وانت للعدوان خصمن عنيد=ومن يجهلك وانت مروي حربة سنانها

صح لسانك وبيض الله وجهك

تقبل مروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[محمد الذيابـــي]

,,

صح لسااااااااانكـ

شاعر مبدع وجزل

لا هنت يالغالي

,,,,,

التوقيع

التوقيع محمد الذيابـــي