محاوره من العيار الثقيل

[سيف الجعدة]

مصلـح بن عياد




يـاسـلام الله عليـكـم مـــن هـجــوسٍٍ مـاتـبـدل
مــا يغيـرهـا الـزمـان و لا يغيـرهـا المـكـانـي
نـعـم والله بالـرجـال الـلــي فعايـلـهـم تـجـمـل
واضحه مثل القمر و الشمس وسهيل اليماني




مستور العصيمي




مرحبـا بالشاعـر اللـي كــل مــا قــام يتحـمـل
اهرج اهرج مع عتيبه و انت مطلوق اللساني
انــت راعــي حـجـة تطـلـب طـلـب ولا تـعـلـل
ما تجي لـك ماتجـي لـك يـا عميلـي بالتمانـي



مصلـح بن عياد




كل ماعدل عصـا دنيـاي عيـت مـا تعـدل
و السنين الباقيه مدري تسع و لا ثماني
حجتـي وردتـهـا للـعـد و حبـالـي مفـتـل
و العصيمي شـاب راسـه بيـن....و.....



مستـور العصيمي




الشعـر مـا هـو حديـثٍ مــن كـتـاب الله مـنـزل
وينهـا حجـتـك قـلـي يــا فــلان ابــن الفـلانـي
كيف صناع السلاح امن السلاح امسـى معـزل
و انت ساكن في ديار الخوف و لا في الاماني



مصلـح بن عياد




الشعر ما هو بمشروب السجاير و المعسل
اهرج اهرج من السانك و اتكلم من لساني
انتظرني لين اجي و لا ازبن الرجل الموكل
ما علي خلاف باقي لي ثلاثـه مـن خوانـي



مستـور العصيمي




و الله انـي ماتعبـت الا مــع الـنـاس المهـبـل
تـرجـم الكلـمـه تـرانـي يالشبـابـي ترجمـانـي
وان بغيـت تعيدهـا ياصاحبـي مصلـح تفضـل
يا اهل الوادي نقول السيل اخير من السواني



مصلـح بن عياد




لاتـحللها غلـط واثـر الغـلـط مــا ينتحـلـل
لـو انتبـه للثالثـه واليـا هـداك الله هدانـي
احتزمنـا بالسيـوف وبالخناجـر والمفـتـل
ثم جيناكم صلاة الصبح في الحزم البياني



مستـور العصيمي




اسمعوا وش قال مصلح والدليله من تدلل
تاجدون الفرق ما بيـن الدقايـق والثوانـي
خطنا مشروع ما جينا معـى خـط التسلـل
ان بعدنـا قمـت تزهـم وان قربنـا ماتدانـي



مصلـح بن عياد




لاتضيق من الحقيقه و انت لك عقل مدبـل
حثهـا حـث الركايـب تلـهـا تــل الحصـانـي
ويش ادور يالعصيمي باقي المرقاب حـول
كان ترضيك النصيحه طيعني قبل تعصاني

[فهد رشيد الزلامي]

سيف الجعده شكر لك على مجهودك ولكن
مكان هذا الموضوع في قسم المحاورات الكتابيه

[مرزوق الجعيد]

محاوره رائعه

مشكور يا سيف على النقل

وكما اشار الاخ الزلامي عليك الانتباه للاقسام ليكون الموضوع في متناول الجميع وعشاق المحاوره المكتوبه
بامكانك مراسلة المشرف لطلب النقل
تقبل تحياتي ومودتي

[سيف الجعدة]

فالعجله الندامه وابشروا ان شاء الله انقله
يعطيكم العافيه على التنبيه

[محـ العتيبي ـمد]

تسلم يمينك ياسيف الجعده

[سيف الجعدة]

ويمناك يامحمد العتيبي

[.الدعجاني.]

تسلم يمينهم مصلح بن عياد ومستور العصيمي
بيض الله وجيهكم

[سيف الجعدة]

مرررحبا يالدعجاني ووجهك