سلامي سلام المسك والطيب والعود

[أبوسلطان]

اللي بيلعب معي يتفضل الله يحييه وهذي الساعه المباركة


سلامي سلام المسك والطيب والعود
...........................................على ربعي العتبان راعين الا مجاد

ابي لي بحر يبحر معي فوق مشدود
..............................................نبي نقطع القمه ب مرواح معواد


اخووووووووووكم .......... ابوسلطان

[غشّام]

صبحك الله بالخير يابو سلطان واتشرف اني العب معك

استلم لاهنت

هـــــــلا مرحبا وأهلين ماهبت النود
........................................ تراحيب من وسط الحشا دوم وقّاد

على مايشا الله معك باللعب موعود
....................................... عســــاها لدرب الخير ياخوك تنقاد


أخوك غشّام

[أبوسلطان]

اخوي الحبيب الغالي ....... غشّام

الله يصبحك بالرضاء والمسرات
والله يحييك وهذي الساعة المباركة
ولعبك معي اكبر شرف لي
ويالله شد حليك خلنا نلعب ونتعلم



استلم لاهنت


هـــــلا مرحبا والكود لابد من كود
..............................................وبعد السحاب ابعد وتلقى هن بعاد

غدير السحابة عند وادي له سدود
..............................................وســ ــد المياه يعــد ويعــد عـــداد



أخوووووووووك ......ابوسلطان

[غشّام]

المعذرة على التأخير واستلم لاهنت

على ديرتك ياصاحبي برق ورعود
....................................... عساها المزون التي تجي عقب رعاد

نخيل السحابة مير ماعاد به فود
...................................... حسبنا لها والوســــم لن راح ماعـــاد

[أبوسلطان]

استلم الله لا يهينك ........

علام القـلـق ياصاحبي يكســـــح الجود
......................................ويبخل ولا يعطيك من صافي الواد

على غيرك يوزع ويصرف من السود
.....................................واذا جيت محـاتـجة يحط لك ميعاد

اخوووووووووك ..... ابوسلطان

[غشّام]

استلم الله لايهينك

يدور الزمان وراعي الحق مطرود
...................................... وانا لو بغيت اشكيك ياصاح وش عاد

لك الله يابوسلطان والقلب ملهود
.................................... يجيه العشـا ضربٍ كما ضـــــرب بغداد

أخوك غشّام

[أبوسلطان]

اخوي ........ غشّام

استلم الله لايهينك


زمان الضرايب كـــله عقوم وجنود
..........................................وراع الديون يسدد الدين باقصاد

يا كثر التسول والحيل مالها حدود
...........................................وحـــد الغنايم زال والجوع حداد




أخووووووووك ....ابو سلطان

[غشّام]

أنا أشك في وضعك منافق .. ونمرود

.......................................... لكن أنتبه من هــــــرج حاسد ونقاد

ولاتقــــــــــرب النيرة مادام انت بارود

......................................... يجيـك الضحى تسعة وعشرين صيّاد


أخوك غشّام

[أبوسلطان]

استلم الله لا يهينك

ياطيب الخوي اللي مع الدرب موجود
........................................... يشـــــك ويخاف ويرمي الرمح بزناد

على ماتبي ياصــاحبي بطرد الــذود
.........................................وبمشي معك من حيث ما تمشي الضاد


اخوووووووووك ........ ابوسلطان

[غشّام]

ألا ياالعصيمي به مواثيق وعهود

........................................ وأنا وأنت طرقتنا على روس الأشهاد

تريح يابوسلطان لابد وتعــــــود

....................................... تدور الرحـــــاة اللي بها حرب وجهاد



بيض الله وجهك على هالطاروق يابوسلطان ، وأسعدتني باللعب معك

ولنا ان شاء الله وقفات ووقفات

وانا تراني يالله ارد لأني انشغل بالحيل بالحيل

أخوك غشّام