بعد ماراح ثلث من اول الليل وبقي ثلثين=ابيات ارجو ان تحوز على رضاكم

[عبدالله الاصعر]

بعد ماراح ثلث من اول الليل وبقي ثلثين=سرابي هاجسي لكن مدري كيف معواده
سرابي يوم عميان القلوب بنومهم غافين=منام الخبل مايحتاج فوق فراش ووساده
كبير القلب مذهوب الحضاير بارد الخدين=ليا منه رقد يرتاح في نومه ومرقاده
وانا سهران والنوم ايتعدا مايمر العين=ازايم هاجس فالقلب مصداره وميراده
ولا فكرت فالدنيا تروح من اين ولا وين=شغلت البال في نضم البيوت وجات منقاده
قصيده وافيه واصل الوفا من ميزة الوافين=رجال بالوفا دايم وفعل الطيب معتاده
على شان البيوت اللي يجي تفسيرها ذالحين=افسرها وعندي موهبه فالشعر وايراده
ابا اعبر بمضمون القصيده والعلوم اتبين=بعد جربت واستغربت من هالوقت وجهاده
زمان ياعسى ربي على بلواه بس ايعين=يعاندني وانا صابر على بلواه وعناده
لقيت النذل ماله هم غير العالم المقفين=على اعراض الرجال المقفيه صبحه ومهجاده
يحسب ان الرجال اهل الوفا عن كلمته دارين=كلام النذل ماينقص من الطيب ولا زاده
ماينقص من هل العادات نقال الكلام الشين=طويلين اليماني بالرذيله مالهم عاده
عوايدهم يضوون الجميله فالقسا واللين=ليا حان اللزوم ارقابهم ترخص وسداده
على درب الشرف مهما يصير بدربهم ماشين=اهل ذمه واهل صدق او وفاء وخلاص وعباده
لكن الخبل ما تلقى معه وحده من الثنتين=ضعيف زنود لا مكفات شر ولابه ازياده
لاينفع ربعه الاقصين ولا ربعه الادنين=مغير يشب نار الحرب بين الناس بزناده

[سلطان بن دحيم]

صح لسانك والله اني صادق

[عبدالله الاصعر]

سلطان بن دحيم صح بدنك


وبيض الله وجهك على المرور يالغالي


لك تحياتي

[عبدالمحسن الروقي]

صح لسانك يا عبدالله
ونطمح لشي احسن انشا الله
واتمنى لك التوفيق

[حاكم الغنامي]

احسنت


مبنى ومعنى


موفق ياعبدالله


ووصح لساااانكـــ

التوقيع

سبحــــان الله وبحمدهـ hakem81@live.com

[عبدالله الاصعر]

عبدالمحسن الروقي

حاكم الغنامي

صحت ابدانكم

وبيض الله وجيهكم على المرور

لكم خالص التحيه والتقدير

[علي فلاح العضياني]

الله الله


صح لسانك يالاصعر مدد بلا عدد

تحياتي

التوقيع

(( رأس الحكمه مخافة الله ))

[سعد الذابح]

عبد الله الاصعر


والله انك مبدع


لاتحرمنا من جديدك دائما


اتمنى لك التوفيق من كل قلبي

[جمال العضياني]

قصيده شامخه من شموخ شاعرها


صح لسانك ياعلم

[عبدالله الجـــذع]

شاعرنا الرآئع

صح لسآآآآآنك مدد على هذه الابيات
القويه اعجبتني سبك وحبك وموضوع وقاف

شاعر جميل جدا


قصيده وافيه واصل الوفا من ميزة الوافيـن
رجال بالوفا دايـم وفعـل الطيـب معتـاده

كفو والله

ننتظر جديدك يالغالي

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا