الليله الكبتن امسى له بثوبٍ جديد

[علي فلاح العضياني]

الليله الكبتن امسى له بثوبٍ جديد=واثيابه التاليات اطيب من الاوله
مالك ورانا فقيد ان كنت فاقد فقيد=والعارفه ما يدوّر شي ما هوب له

التوقيع

(( رأس الحكمه مخافة الله ))

[كبتن عتيبه]

الله الله ا

حي الله الشعر.. والشاعر.. وبيت القصيد=وثيابنا فايحه بالعز والمرجله
فقدت الي يمّكم ياروق سيفً حديد=والسيف ردّوه ياهل كشب مانتم هله

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[علي فلاح العضياني]

العام انا قلت لك يا اخوي رايٍ سديد=وانا ادري انّك تعرف العلم ما تجهله
هذاك عنكم بعيد الدار وانتم بعيد=وان كان برقا تهمقى سيفنا مشكله

[كبتن عتيبه]

الله الله

يالفالح اخبرك جندي في صفوف العقيد=اما انقض البيت يارجال ولا أفتله!!
انا عطيتك ريال ولا نقص فالرصيد=لولا ريالي ماتلقى في يداك هلله

آخر تعديل كبتن عتيبه يوم 05-May-2007 في 12:08 AM.

[رجـم النـايـف المطيري]

الله الله
الفالح صح لسانك
كبتن عتيبه صح لسانك ولاهنت
طاروق ناجح بين شاعرين قي قمة الابداع
-لكن ياكبتن عتيبه ترى عليك عشا القابله تجيبه للمنتدى هههههههههههه
بسب تغيير الاسم الجديد من كبتن مناحي
الى كبتن عتيبه يعني
{سماوه}
هههههههههههههه
صح لسانك
ومبروك الاسم الجديد
وفعلا انت كبتن عتيبه
تحياتي
000
00
0

رجـــــم النــــــايـــــــف

[كبتن عتيبه]

الرجم النيف


الله محييك


ابشر بسعدك

[علي فلاح العضياني]

ما فيه داعي نكرر فالعلوم ونعيد=الحمل جاهز ونوّخ يا جمل واشتله
امنين تعطي ومالك يالعتيبي زهيد=التمر ما ينجني من شجرة الحنظله

[كبتن عتيبه]

طيب طيب

يالفالح اهيد وجنون البسيطه تهيد=اليا قرينا عليها الايه المنزله..
التمره من النخل والنخْل خضر الجريد=تحمد الله لاجاك من القصيم نخله!!

[علي فلاح العضياني]

ان عوّدت للقرايه ما انته بمستفيد=لابد ما اقرا عليك بسورة الزلزله
انا احسب انك ذكي ما كنت اظنّك بليد=من ثقل غلطتك في ملفّك مسجّله

[رشيد النقريني]

صح الله لسااانك يالفالح

وصح الله لسااانك يا كبتن عتبيبه


وبيض الله وجيهكم على ها الطاروق الراائع