تستـــاهل الطيب ... !!!!!!!

[ناصر الجلاه]

..


السلام عليكم ورحمة الله وبركاته


قصيده لي في زواج الشاعر : عبدالرحمن ضيف الله العصيمي .

عضو منتدى الهيلا (( ابن نخيلان ))

نتواصل بها لعل أن تنال اعجابكــم .

بسم الله ابدى وخير القول ذكر الجـواد=اللي علينا فضوله ما أحصي أعدادهـا
الواحد اللي رفـع سبـعٍ بليـا عمـاد=وابسط تحتهن سبع مامالـت أوتادهـا
بأمره يحشر الخلايق في نهار المعـاد=في ساعةٍ كل نفـسٍ حـان ميعادهـا
أرجوه بالمغفـره والعفـو رب العبـاد=لافل صفحة كتـاب النفـس وقتادهـا
يـارب رحمتـك ماينجينـي الاجتهـاد=رحمتك يانافـخ الآنفـس وحصادهـا
عيد وفرح والعياد اليوم غيـر العيـاد=عسى السعاده تـدوم وتكثـر اعيادهـا
والشعر لـه ناقـدٍ مختـص بالأنتقـاد=وانا حكمـت القصيـده قبـل نقادهـا
مادمت شاعر وألي فالشعر جيش وعتاد=ابسـرج خيولهـا واجهـز عتـادهـا
والشاعر اللي ليا جادوا هل العرف جاد=يقلط على الدلـه الصفـراء وبرادهـا
يامرحبا في حلال أهل الكـرم والقنـاد=ربعٍ ماتجهـل ماصادرهـا وميرادهـا
افعولهـم مايغطيهـا بيـاض وسـواد=وبيوتهم عامره وأطيـب كـرم زادهـا
افخر بهم واتحيما فـي نهـار الهجـاد=اعزاز الأنفس تنومسنـا مـع أندادهـا
وألا ضعيفين الأنفس لوتصيد وتصـاد=اخـلال بعيونهـا والسـم بأكبـادهـا
ماني مقدم عذر وقت الطلـب والعنـاد=اقف وخشـم الفتيلـه يقـدح ازنادهـا
وإن شبت النار سلينا السيوف الحـداد=أهـل المواقيـف بأباهـا وبأجدادهـا
لامال ولد الرخم بالضحـك والأهتبـاد=مادي يفوق الكبيره لـو كبـر مادهـا
خلو طيور الكداده تحـت فـي الكـداد=الخوف يغلب عليها صيد من صادهـا
حنا طيور السعد حنـا حـرار الهـداد=قـومٍ مواقيفهـا تثبيـت بأسنـادهـا
الكايده هينـه والجـرح يلقـا ضمـاد=وعـزوم الأبطـال بارقهـا ورعادهـا
سحابةٍ فعلهـا سيـلٍ غشـى كـل واد=نباتهـا شيمـة الأجـواد فأجـوادهـا
تستاهل الطيب والوقفه ياراع الشـداد=المرجلـه حزتهـا ياسيـد اسيـادهـا
الله يكتب لك الخيـره وحسـن المـراد=الطيبه مـن نصيبـك وأنـت مدادهـا

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com

[سـعـد الـعـصـيـمـي]

كبير يابو محمد كما عهدناااك

صح لسانك مليون ولا يكفوون

..

..

أعجابي

[مرزوق حمدان العتيبي]

..

صح لسانكـــ يابو محمد

والف مبـــروك للعضو الغالي ابن نخيلا

....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[@ـايل]

الف مبروك لابن نخيلان ..

عبدالرحمن العصيمي متمنين له التوفيق ..

وصح لسانك ياناصر ..والله يعافيك ..

..

[فايز بن سرحان الثبيتي]

والشعر لـه ناقـدٍ مختـص بالأنتقـاد
وانا حكمـت القصيـده قبـل نقادهـا
مادمت شاعر وألي فالشعر جيش وعتاد
ابسـرج خيولهـا واجهـز عتـادهـا
والشاعر اللي ليا جادوا هل العرف جاد
يقلط على الدلـه الصفـراء وبرادهـا



تالله يبيض وجهك على هالابيات والقصيدة الوافيه
صح لسانك مليووووون في مليووووون وعليك الحساب



شرفتنا بتواصلك مع القسم يابو محمد



تحيتي

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[ابن نخيلان]

صح لسانك يابو محمد على هذه القصيدة الجزلة والله يابو محمد أن ودي هاك الليل يوم ألقتها أني

جايك عند المقرفون ومسلم على خشمك ولا تكفي ،،،،،،


لكن صح لسانك ملايين ولاهي غريبه على الطيبين اللي مثلك وشرواك


وتقبل تحيات أخوك أبن نخيلان

[(محيميد السميري)]

صـح لســـانك يا ابو محمد

ومبروووك يا ابن نخيلان

[السيف شاماني]

صح لسانك وقصيدتك تعجز عنها وصف الالسن وصح لسانك مره ثانيه ومبروك للعضو الغالي
وسجل اعجابي






ومتابع لجديدك