الى منتدى الهيلا الشامخ برجاله

[المهندس الشمالي]

مما يزيدني شرفا احبتي ان اشارك في هذا المنتدى الكبير بمخزونه الادبي وبقامات رجالاته ويكفي انه ينتمي الى تلك القبيلة العزيزة الى قلبي واساله سبحانه ان اكون عضوا فعالا للارتقاء بالمنتدى وايضا نستفيد من خبرة الشعراء هنا واسمحولي بهذه المشاركة البسيطة

سلامي سلامن فيه تمديد وامداد=ومن لايجيه امداد يلحقه تمديد
تجمع هنا ضباط مع شلةافراد=والافراد ماتجتاز ياكود بتجنيد

[عبدالرحمن الهيلوم]

مرحبا مليار بالمهندس الشمالي
وحياك الله تحية المطر

وفي انتظار مهندس نجدي

[عبدالله الاصعر]

حياك الله يالشمالي في منتدى الهيلا ونتشرف بوجودك

وصح لسانك على هذه البدايه الموفقه باذن الله


وحنا في انتضار قبيلك ونقول صح لسانه مقدماّ


لك مني خالص التحيه والتقدير

التوقيع

ربعي كما الحيد الطويل النايف=ارقاء براسه وانسدح في ضله ليا بنو بنيً على مقلطهم=يبنون بنيً ماحد(ن) يفله الشاعر/عبدالمعين الثعلي رحمه الله al-aser11@hotmail.com

[سعد الوافي]

سلامي سلامن فيه تمديد وامداد
ومن لايجيه امداد يلحقه تمديد
تجمع هنا ضباط مع شلةافراد
والافراد ماتجتاز ياكود بتجنيد

_________________________

هلا يامرحبا فيك زايد ويزداد
ومن لايجيه الزاد يلحقه تزويد
تطرح هنا زوار مع شلة اجواد
والابيات من صافي العلم تجديد

[المهندس الشمالي]

عبدالرحمن الهيلوم الله يبقيك وتشرفت بمرورك الكريم يابن الاجواد

[المهندس الشمالي]

عبدالله الاصعر الله يبقيك ويحييك يشهد الله ان مرورك عطر المتصفح وبامثالك يرتقي المنتدى وعلى الطيب دوم

[المهندس الشمالي]

الله يحييك يالوافي

انا الليله يالوافي على برج الارصاد=وكلن على الشاشه مبين بتحديد
حسابك مقفل والسبب كثر الاقصاد=والاقصاد نلغيها لى جا وصل تسديد

[سعد الوافي]

وانا ياشمالي على الزند بزناد
ان كان رصيدي خالي اليوم تسديد
والشوف بأعلى المد منهاج مداد
ولعوها النار روس الفتايل والبواريد

[المهندس الشمالي]

سعد يالربع ماهو على نهج الاجداد= وللاجداد منهاج مايحتاج ترديد
شجيع العرب اول على الموت وراد=وتاجرهم الحينه بضايعه توريد

[عبدالرحمن الهيلوم]

الووافي
الشمالي

غالين يابعدي بالحيل
وصحت السنتكم
مبدعون
الله يوفقكم دنيا ودين

م ت ا ب ع ي ن