واعــذاب الـقلـب مـن ورقٍ تـغنـي حـولـه::"::جــرت لـحون الـغرام وراح قـلبـي مـعهـا

[آلاد غنـــام]

واعــذاب الـقلـب مـن ورقٍ تـغنـي حـولـه=جــرت لـحون الـغرام وراح قـلبـي مـعهـا
زاد نـــبضــه لا شــعوريــاً ودق طــبولــه=واصـبح يـغنـي لـحون الـورق ويـشجعها
قـام يـزهـم حـبه الـماضـي وجـا مـرسوله=قــال جــمّع ذكــريــاتــي حــالاً وجــمّعــها
قـال تـذكـر فـاتـن وسـوسـن وتـذكـر خوله=قـــال لله مـــاذكــر الا حــصه وبــرقــعهــا
خـلنـي سـاعة زمـن مـع حـبهـا اخذ جوله=ودي اســبح فــي هـواهـا والـبقـيه دعـها
عـنق ريـمٍ مـاربـت داخـل شـبوك الـدولـه=تـوجـع الـقنـاص والـقنـاص مـايـوجـعهـا
وجـههـا غـر الـسحـايـب والـقرون اثعوله=يسري الساري على ضيحة سنا مفرعها
مـاتـعرف الـكحـل خـلقـه عـينـها مـكحوله=تـستـخف بـمن يـسيـل الـكحل مع مدمعها
وايقت لين اكشفت بحر الهوى واسطوله=واقـفت تـغنـي ولـدت وا شـرت بـاصبعها
تـعتـقد لـو قـالـت الـقلـب انـتزعـت اقفوله=كـنهـا قـايـلةٍ امسك (خ-ش- و) وامطعها
تـحسـب ان الـهرج يكفل فرطة الصاموله=مــخطــيه كــم هـرجةٍ مـاتـنبلـع نـبلـعهـا
يـاهـل الـمعـروف قـلب الـبهذله من هوله=خـش بـيبـان الـغرام الـبارد مـن اوسـعها

الشاعر / سعد بن شاعي الغنامي