مقهوي الليل

[سهم الليل]

ودنا ناخذ بقاف المقهوي وفنجال=يسكبه من دلةٍ جاورة مع نارها
ننقد على الرجل لا دمعه فوق خده سال=وثر الهوا شارته منهو الى شارها

[مقهوي]

ياهلا يامرحبا فيك يانسل الرجال = والرجال الطيبه طيبها مقدارها
الهوا لا صار من ناحية بنت الحلال = نعذر الرجال لو هو يحب يسارها

[سهم الليل]

تبقا وانته جزل ياجزل من روس الجزال=من حرارٍ ماتطول اليمين اوكارها
الهوا سم البدن وبتدل حالى بحال=مير نفسي شايمه عن علاقه بارها

[مقهوي]

ماش احد كامل ولله ياسهم الكمال = وانت وافي من رجال ٍ تحكمٌ شارها
العلاقه صارت اليوم بجنيه وريال = والهوا ياخذ نفوس العرب واعمارها

آخر تعديل مقهوي يوم 06-Jun-2009 في 01:08 AM.

[سهم الليل]

يا مقهوي ماتبي هذي شرح وجدال=والعرب قدرها يوفا من ادبارها
الهوا مالقاله منك درب ومجال=واهنيك ماتعرف شرها خارها

[مقهوي]

نيتك زينه ولاكنٌ فالظن احتمال = قدرها يذكر مع الناس حسب اذكارها
احمدلله واشكره قافل ٍ هاك المجال = وش نحصل من ورى الهامله وحوارها

آخر تعديل مقهوي يوم 06-Jun-2009 في 01:43 AM.

[سهم الليل]

الحروف الابجديه تبا ربط وحلال=والعوارف لا نجة الفضل لفكارها
قام جساس ولا قال ابن عمى وبن خال=ما يفرق فالعدا ضهورها ونحارها

[مقهوي]

دام فيها ربط يالله في نقض الحبال = الثياب البيض عيٌت تصك زرارها
ياطول العمر بين الحقيقه والخيال = ناس في وهم البطوله تعيش ادواراها

آخر تعديل مقهوي يوم 06-Jun-2009 في 02:14 AM.

[مقهوي]

سهم الليل

الفجر اذن والوقت ماش من وقت


نكتفي بهذا القدر وان شاء الله الجايات احسن


صح لساانك وتشرفت بمجاراتك ياطويل العمر

وتصبح على خير

[سهم الليل]

المشاركة الأصلية كتبت بواسطة مقهوي

سهم الليل

الفجر اذن والوقت ماش من وقت


نكتفي بهذا القدر وان شاء الله الجايات احسن


صح لساانك وتشرفت بمجاراتك ياطويل العمر

وتصبح على خير

صح بدنك يالقرم واشرف لى طال عمرك
والمعذره كان حصل خطا
تحياتي