فلالالاح المورقي =
يا مرحبا مفعولها ماهوب في نطق وكلام=ترحيبهَ مفعولها المضمون في مضمونهـا
ياحمود هات العلم واخذ العلم بحدود النظام=يا مخلف ضنون الجماعه لا تخيب ضنونها
حمود السمي البقمي =
دام البقا يلي ترحب قبل مـا اقـول السـلام=وانته على الميقاف والجمره علـى غليونهـا
لاتسمع اهل الحسد واهل الفسد واعيال الحرام=انا علـى هقوتـك والدنيـا علـى قانونهـا
فلالالاح المورقي =
كلن تحيزم بك وانا خابرك مـا تملـك حـزام=عاونت قومَ مـا تعينـك لـو تـدور عونهـا
سمعت شور اهل الشداد اللي ماترضى بالمسام=وقالوا لي انك لا ورا الهقوه ولا انت بدونهـا
حمود السمي البقمي =
الظلم يوم الاخره يالشاعـر الروقـي ظـلام=من ضرب سيفي ماتبات الروس فوق متونها
احيان اقول الله يصلح شانها شـرق وشـام=واحيان اقول احط صاحيها علـى مجنونهـا
فلالالاح المورقي =
يا حمود انا ماني بجاهل فالحلال وفالحرام=هذي حقيقه والحقيقـه مـا تغيـر لونهـا
ياللي تشن الحرب صوًت للخوال وللعمام=والا تعشتك السباع اللـي تحـد اسنونهـا
حمود السمي البقمي =
تبا الصحيح فداك من يشناك ياهذا الغلام=قلبك دليلك والعرب بقلوبهـا وعيونهـا
بغت تعشاك الذيابه من قبل عشرين عام=ثم اطردناها تعاوى جوعها في بطونهـا
فلالالاح المورقي =
بين الملا كلن يبادلك الغلا والاحترام=لكن خل الناس يابن الناس تقضي شونها
الله يبارك فالامام اللي فزع لجل الامام=والا انت في جوف اتربه كبدك تزيد اغبونها
حمود السمي البقمي =
اسلم وسلم لي على الجهرا قبل مسك الختام= والسالميه ماتهون ولاتهون حصونها
« آخـــر الـــمـــشـــاركــــات »
العرض الشجري