صغير عتيبة الهيلا لفعل الطيب سباقي

[حاوي الطيب]

بسم الله الرحمن الرحيم

هذه القصيدة مهداه إلى عموم قبيلة عتيبة الهيلا قايلاً شاعرها أن شأالله تاصل كل عتيبي في محله وهي تعبر عن أمجاد قبيلة عتيبة الهيلا الذين هم أهلٍ لذالك الثنا ولله الحمد والمنة من دون نقص في القبايل الاخرى وكلٍ فيه حقه من الرجال الطيبين،،،لاكن عتيبة يتعبون الرجال مع دربهم
كما قلت فيهم القصيدة التي القيتها في مزاين وملتقى الهيلا في عام 1428هجري والتي غطتها قناة الساحة منها هذه الابيات


عتيبة الهيلا مافيهم رديين ** الطيب ملك عتيبة مافيه ريبة

برقا وروق مرجحين الموازين ** أهل الكرم وأهل السيوف العطيبة

الاسم واحد يجتمع به سلاطين ** عتيبة عتيبة مع العز هيبة

الله منحهم طيب الافعال جزلين ** ياما وياما حققو من صعيبة


يقول الشاعر / صباح بن قعيد بن ظاهر القاسمي الظفيري في احد المناسبات


سلام الله على كل الحضوروخاطري تواق $ وانا لمشاهد عتيبة هل الوقفات مشتاقي

قبل تدفعني اقدامي لكم تدفعني الاشواق $ اشاركم فرحكم وانتم أهل المنزل الراقي

رجال الصيت والطالات وأهل البيرق الخفاق $ كسبتوها على وضح النقا فالطيب وش باقي

هل الفزعه ليا هاب الذليل ويبست الارياق $ مواقفكم تشرفكم وفيكم هقوة الهاقي

عتيبة فزعة اللي من فتحله فالزمان رواق $ صغيرعتيبة الهيلا لفعل الطيب سباقي

سعدكم مايغيب عن الملا لو غابت الاشفاق $ ياحض اللي زبنكم ياعتيبة والله الواقي

عطاكم ربي السمعه وربي يعطي الارزاق $ مزبنة الدخيل وتلطم العايل ليا تاقي

حمول الخيل بن وهيل عود ازرق كرم واخلاق $ مزايا لو تعددها القصايد فاضت اوراقي

لو اعدد مزايكم تسببلي جهد وارهاق $ وابالغ فالحكي وازيد به ماهو من اخلاقي

عتيبة طيبها ماجابته من داخل الاسواق $ لو ان الطيب يشرى كان كلٍ طب الاسواقي

رجالٍ طيبهم متسلسلٍ وهبه من الخلاق $ سواة الشجرة اللي عرقها يشرب من الساقي

اليا منه حداك الوقت فالدنيا وصدرك ضاق $ عليك بفزعة الهيلا اليامن الفضا ضاقي

تبا تلقى المعزه والكرامه والنبا سباق $ خصالٍ باقيه فيهم مقيمه والله الباقي

حقايق والحقايق تكشف اللي داخل الاعماق $ وانا عبر لساني عن حقيقه داخل اعماقي

ليا سقت الكلام بدرب ماهو صح ماينساق $ وانا والله ماخشى فالحقيقه غير خلاقي

انا شاعر ولي مبدا ولهل المرجله عشاق $ وشعري يوم اغني به يناسب كل الاذواقي

يقولون العرب قول الحقيقه مر ماينذاق $ وانا اقول الحقيقه ياعتيبة وانشر اوراقي

ابمدح (روق مع برقا وابنشرها على الاوراق $ وابعلنها وكلٍ يذكراللي عينه تلاقي

وإذا شعري يزعل قلت للزعلان فالطقاق $ ومن كذب كلامي قلت له مليون طقاقي



مع تحيات الباحث الشاعر : جازي بن مفرح بن ناجي العطاوي

آخر تعديل حاوي الطيب يوم 15-May-2009 في 11:15 PM.