ذيب الملاعب لو تواظعت وتكزمت

[معانق هم]

بعد السلام ورحمة الله ياذيبان


قلي وش اللي بالشرايين قلي


ظني بياض سنونك العام نيبان


وانا احسبنك يالسبع تبتسملي

[ذيب الملاعب]

يامرحبا والوضع ماهو بشريان = المسأله تحتاج ربطٍ وحلّي
لاتنشغل بأنياب وعيون ولسان = وقلوب بعض الخلق تزداد غلّي

[معانق هم]

تبقى على بعض السواليف سلطان

والبعض منها جعل ابوها يولي


انا احسبنك يابن الاجواد نيسان


اثريك تويوتا مورد محلي

[معانق هم]

[ذيب الملاعب]

يامرسل المكتوب من دون عنوان = الخط وصل اليوم مكتب حولّي
الفرق مابه فرق مابين الاثنان = وارد محلّي ما انحنى لو بملّي

[معانق هم]

حنا بدو ياذيب في روس ظلعان


الزم عليه تالي الوقت بلي


ياذيب لاتعوي ولو كنت سرحان


صوتك ياراع الصوت لا ماوصلي

[ذيب الملاعب]

ياطير ياللي معك مخلب وجنحان = ليتك على بعض الحباري تفلّي
وش بك تجاهل كن ماتملك آذان = تليت قلبك تالي الليل تلي