لابارك الله بطيبٍ يتبعه منّه .. لـ دحام بدر الهذال !!

[الفراتي]

في وصف عينه كمال الوصف حيث إنّه=توصف بعين الفريد وعين شيهانه
أهدابها من سيوف الفرس والسنّه=مثل العسس ماتنام الليل سهرانه
لاسبل الرمش غطّا ناعم وجنّه=في حالة انعاس وإلا شبه نعسانه
والرافد اللي توسّط صدرها كنّه=شطٍ جرى بين رمانه ورمانه
خضر القصب في طوارف ماه ممتنّه=رغم انها في ضفافه نصف غرقانه
ليته يدنّق واجيه بغفلةٍ منّه=قبل يتدارك بكفّه جيب فستانه
عليه قلبي ينوح ويزعج الونّه=ينزف ويدفع ثمن بوحه وكتمانه
من سالف النظره اللي عنّي وعنّه=تعانقت بين حرماني وحرمانه
لابارك الله بطيبٍ يتبعه منّه=ينعاف زوده قبل ينعاف نقصانه
لو شاع فعله وصيته ذاع .. لاكنّه=تجارةٍ بالربا والغش خسرانه
الطيب ينعاف يااهل الطيب لامنّه=مارجح الطيب واهل الطيب ميزانه
الشكر والفضل والعرفان والمنّه=للي رفع راية الاسلام سبحانه
اللي عن ابليس حرم ريحة الجنّه=يدري بعبده ومايضمر بوجدانه
ماكل شخصٍ يحفظ السد ويكنّه=خطو الرجل يكشف المستور بلسانه
خوفك من اللي بوجهك يضحك بسنّه=ومن حين تقفي رماك وصرت نيشانه
وخويّك اللي من اول محسنٍ ظنّه=وعدّيته اخو وهو عدّك من اخوانه
لاجار وقتك جفاك وصد ماكنّه=كانت لك بوسط قلبه منزل وخانه
ماغزّر بعينه المعروف غير إنّه=كشّر بنابه عليك وشن عدوانه
واللي بدر منْك عكس اللي صدر منّه=والكل منكم يسوي باصله وشانه

الفذ : دحام البدر ابن هذال العنزي

[البرنس!!!!!]

والرافد اللـي توسّـط صدرهـا كنّـه
.............................................. شـطٍ جـرى بيـن رمانـه ورمانـه


الله الله الله قمة الابداع هكذا الشعر والا بلاش

[أبونواف]

صح لسان شاعر ها وسلمت يمينك يالفراتي على النقل الرائع تحيتي ..

[الفراتي]

المشاركة الأصلية كتبت بواسطة البرنس!!!!!

والرافد اللـي توسّـط صدرهـا كنّـه
.............................................. شـطٍ جـرى بيـن رمانـه ورمانـه


الله الله الله قمة الابداع هكذا الشعر والا بلاش

البرنس

شكرا لك على مرورك ...

وشاكر لك تعليقك النيّر

تحياتي

[الفراتي]

المشاركة الأصلية كتبت بواسطة أبونواف

صح لسان شاعر ها وسلمت يمينك يالفراتي على النقل الرائع تحيتي ..

أبو نواف

لاهنت على مرورك الذي اعتز به للامانه

تقبل شكري

[محمد العتيبي]

لابـارك الله بطيـبٍ يتبـعـه مـنّـه
ينعـاف زوده قبـل ينعـاف نقصانـه
لو شاع فعله وصيتـه ذاع .. لاكنّـه
تجـارةٍ بالربـا والغـش خسـرانـه

اي والله انه صادق

صح الله لسان الهذال على القصيده الوافيه الكافيه ..

والله يسلم يداك يالغالي

تحيتي
...

التوقيع

للتواصل عبر twitter تويتر al_bargawy@

[أخو جوزا]

ما أروع هذه الابيات


صــــــــح لسان دحام وسلمت يد ناقلها

[ولد المزاحمة]

لاسبل الرمـش غطّـا ناعـم وجنّـه
في حالة انعـاس وإلا شبـه نعسانـه

مشكور على النقل اخوي وابيات اكثر من رائعة

[الفراتي]

المشاركة الأصلية كتبت بواسطة محمد العتيبي

لابـارك الله بطيـبٍ يتبـعـه مـنّـه
ينعـاف زوده قبـل ينعـاف نقصانـه
لو شاع فعله وصيتـه ذاع .. لاكنّـه
تجـارةٍ بالربـا والغـش خسـرانـه

اي والله انه صادق

صح الله لسان الهذال على القصيده الوافيه الكافيه ..

والله يسلم يداك يالغالي

تحيتي
...

محمد العتيبي

تشرفت بمرورك يالغالي

تسلم .

[فيصل المسعودي]

قصيدة لها دلالات جميلة وقيمة

صح لسان الهذال على هذه المتكاملة

شكراً يالفراتي

تحياتي