كل عاقل تنبا !!!

[عتيبي عفيف]

الى الاخوه مشرفي واعضاء منتدي الهيلا

السلام عليكم ورحمة الله وبركاته

اقدم هذه القصيده التي تحكي عن تقسيم شباب اليوم

الذي تربى على العز والطيب والنوع الاخر الذي تربى على الدلال

فالقصيده تحكي عن نفسها ولا يسعني ذكر المناسبه لكتابة القصيده

واليكم القصيده واتمنى ان تحوز على رضاكم


[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
سـلام يا عـودٍ على الطيب ربّا = على السنع والعز ربا عياله

ابٍ ولا ظني يحالي له ابّا = وطيب الولد لا شك من طيب خاله

اليا اقبل الضيفان الحال هبّا = يستبشر بضيفٍ تعنّى وجا له

وقرّب معاميله وللنار شبّا = في مجلس اهل الطيب واهل الشكاله

ورحّب وهلاّ ثم للكيف صبّا = كيفٍ يسوقه للنشاما لحاله

رجلٍ تربى عاقلٍ ما يسبّا = وكلٍ بفعله قال يا طيب فاله

اخير من عودٍ عياله تهبّا = بانت مراجلهم بوسط البقاله

نافخته القشطه وضرب المربّى = اصبح بهيمه داخل البيت عاله

الجسم مليانٍ ومفقود لبّا = ضاع العقل بين الردى والجهاله

اليا اقبل الضيفان عنهم تخبّا = تغيرت في شوفة الضيف حاله

وان ساق فنجاله على الضيف كبّا = ومن رجته قامت تصافق دلاله

ما عاد ينفع به علاجٍ وطبّا = ولااحدٍ لقى له طب غير الدعا له

ما قلت صدق وكل عاقل تنبّا = وكلٍ على كيفه يربي عياله



ولكم اطيب تحيه من عتيبي عفيف








[/poet]