محاوره قويه بين خالد العصيمي وحمود السمي

[الصاطي,,]

خالد العصيمي




مرحبا عد الخيال اللي ليا لاحت بروقـه
يشبع الدنيا طرب ويسيل الواد السنـاوي
بارك لله فا ليمين الطلق والعين الصدوقه
وكثر امور العرب ماجات حتى بالمناوي




حمود السميّ




البقى ياللي يرحب عد مـا غنـى طروقـه
من كبيرين البخوت ومن بعيديـن الهقـاوي
بارك الله فالذهب واهل الذهب يحييون سوقه
شف جرامه كم يساوي والوقيه كم تسـاوي



خالد العصيمي




الصبر مـراً مذاقـه والفتـى لازم يذوقـه
والزمان اللي بحث سد الخفا ما عـاد يـاوي
والنفوس اللي على الماضي من الهم محروقه
ابعدو عنها الهموم وفرحو عيـن الشقـاوي



حمود السمي ّ




الصبر محمود والرجال مايتـرك حقوقـه
وابشرو بالخير مادام السعد سارح وضاوي
بارك الله فالزمن هذا ولا حضنـا فروقـه
المريض اصبح معافى والفقير اصبح غناوي




خالد العصيمي



كنت تحت الضلع يا حمود السمي واليوم فوقه
وستلمت الغتره البيضاء مع البشت الحساوي
يا كبر فرحتك مار البشت لا تكثـر شقوقـه
وان رميت البشت ردوك البقوم مع الشواوي




حمود السميّ





لحيّة اللي يفرح اليا مات صنديد محلوقه
والله لتبطي جروحي ما يداويها المـداوي
والغشيم اللي على باله ولد عمّه يعوقـه
والعصيمي ينحر الفاطر ليا مات العطاوي




خالد العصيمي




الثرى تحته ذهب يوم القدم فوقه تسوقـه
ونت دوب انك عرفت الدرب ولا كنت غاوي
ابك انا كلي حميا وعطي الماقف حقوقه
والمنايا والرزايا ماتوخرهـا العـزاوي




حمود السميّ





ماغدينا في غروب الكون ولا في شروقـه
والبحر لون السما وادنى السما لونه سماوي
الحميّا فالمحنّك مثـل دمّـه فـي عروقـه
والهوا غلاب واتعب راعي القلب الهواوي



خالد العصيمي




العلوم مصلحه مع خط بيده ومعشوقه
ونتعطل موتر السواق جاه الذيب عاوي
لو يطير الحر الاشقر ماتنوشنا سبوقه
والجبل كله حراراً كنها الحر النداوي





حمود السميّ




مايبوق الجمـس والسـواق ماهـر مايبوقـه
ولا يسابق راعي الجمس الحمر راعي عراوي
كل طيراً طار بالجنحـان يامصعـب لحوقـه
مثل صقراً يعجب الصقّار واجناحـه رهـاوي