حصرياً قصيدة خلف بن هذال العتيبي في الجنادرية

[ابو سعد الدلبحي]

قصيدة خلف بن هذال العتيبي في الجنادرية


من تســــجيلي





حــمــل القـــــصيــــــدة


مــــن هــــــنا

السلام عليكم ورحمة الله وبركاته

أخواني أعضاء وزوار منتديات الهيلا الكرام

أقدم لكم قصيدة شاعر الوطن سعادة اللواء :- خلف بن هذال العتيبي

في مهرجان الجنادرية ( 24 ) لعام 1430 هـ


هنا بالفيديو :-



وهنا بالصوت :-



وهنا كتابية :-

سلام الله وصلى الله على نبينا المرسول = شفيع الخلق في يوم (ن) يشيب الراس من هوله
نبي (ن) خصه الله بالرسالة بالعفو مامول = عفا عن كعب واعطاه الأمان وقربه حوله
بعد ما ضاق به كل الفضا والأرض عرض وطول = وهذي فطرة (ن) في الانبياء بالعفو مجبوله
عطاه البردة اللي سدوها بالمنشزه مغزول = من أحسن مالبس هذا الكرم معناه ودلوله
واثني بالسلام لسيدي مصدر فخر وفعول = تواريخ (ن) تسجل بالشرف والمجد مصقوله
لك الترحيب يا صنديد ابن صنديد يا مشغول = بشؤون المسلمين ولا تريد العرب مذلوله
جمعت الشمل والله ما يجمع من بعدك شمول = واقول ادعوا لعبد الله ثم ادعوا له ثم ادعوا له
ولاغيرك لنا قايد وبالعمرالطويل تطول = طويل ذراع راهي باع ليث (ن) تكسب الجوله
تحملت المهمة يا ملكنا والزمان يهول = فلا نامت عيون اللي بحلو النوم مكحوله
أخصك ثم أخصك في الكلام الطيب المعسول = مشاعر شاعر (ن) يهدي لك الأبيات مفتوله
غزايز مالقيته والتقيته من خيار الشول = بكار(ن) وضح نخبة من خيال الشعر مشموله
بدهن المسك والورد الندي والعنبرالمعمول = واخذ فنجال رسلانية (ن) بالهيل مزلوله
إي والله شارب (ن) يستاهل الفنجال فعل وقول = لك الهيبة بك الطيبة بك الأوطان مكفوله
تحني والبسي له وانثري فوق النحر مجدول = لكساب الجميل وفي عيون الناس مجموله
تخطي واسحبي ثوب الحريربعرشك المحمول = على أكتاف المليك وتعرفين الملك منهو له
فحل والله فحل يابن الفحل واللي جذبك فحول = من أولكم لتاليكم عطا واحسان وبطوله
خطبة الخطبة اللي بالكويت إداوي المعلول = تطيب إبها النفوس ولا تجي وتروح بسهوله
خطاب الصارمة يا قف بها شعرالولد مذهول = دهاء وموقف (ن) حازم وعزم وجزم ورجوله
تحل الشفره اللي مالها في العالمين حلول = صحيح إن كان ما حليتها ما هيب محلوله
هذا اللغز الكبيراللي يخلد بالزمان زحول = ألا يازحلنا ياللي لك الأزمات محيوله
نشم العز من عزك شربنا الصافي الشهلول = على يمناً تدفق ساقية على الشعب معدوله
ومن عطفك ومن لطفك سكنت المارد المنهول = على الطفل وعلى الطفلة رعاية منك مشموله
ترى الأيتام في ذمتك وامسح دمعة المكفول = ينجيك الكريم ودعوة الأيتام مقبوله
ولا ننسى ولي العهد جعل الباس عنه يزول = يجي سالم وغانم والقلوب تحن مشغوله
ياكم من مخلص(ن) كمه غدا من عبرته مبلول = على بعده تردد سورة الرحمن مرتوله
ألا يا الله ترد اللي لمستور الحوال يعول = تفرج عن غريب(ن) بالمغيبه ضايق (ن) جوله
نبي شوفه ومعروفه نعد اليوم كنه حول = هل الحاجات بعد الله على سلطان متكوله
تحياتي لمسلولة العرق وبجهدها المبذول = يصد المعتدين وديرته بالأمن معقوله
هذا نايف وزير الداخلية بالسلاح يحول = يذود عن الوطن ويقوم في واجب علم دوله
ولد عبد العزيز ببندقة وسيفه المسلول = يعدل روس كانت في سبيل إبليس مغسوله
محاميل الرجال الواجبات وللجمال حمول = إليا ثار الجمل بالحمل قام الرجل بحموله
من المسؤول عن ما صار في غزه من المسؤول = مجازر نفذت بالظلم واسرائيل مسؤوله
إطبق محرقة هتلر على شعب (ن) عزل معزول = عن العالم وغزه في مهب الريح معزوله
هذا شعب (ن) دعا الله فيه لا القاتل ولا المقتول = ضعوف (ن) تحت ضغط النار بالغارات مسحوله
ولا حول (ن) ولاقوة على ما صابهم لاحول = قضية بركت في منحرالتهويد مقتوله
كلام بلا سلام ولا احترام وكلمة المعقول = عليه اقرو سلام وفارس القسام قولوا له
يواصل في كفاحه بس لا يذبح همم وعقول = حرام ودبرة (ن) ماهيب في الإسلام معقوله
يقولون الكريم إليا نزل صكت عليه نزول = تشوف الخير فيه وجرته بالخيرمدهوله
واليا مريت لك قاع (ن) قحط عج ودهر ومحول = تعده وانص دار (ن) من صدوق الغير مسيوله
ولا نفلس من العاقل ولا نسمع من المهبول = ولا ناخذ مشورة جاهل (ن) ما بان مفعوله
ولا يختل ذكي والا الغبي مع غاربه مختول = ولا توخذ عرب بعد النذر بالغدر مختوله
أوادم مالها صرفه ولا حرفه ولا مدلول = تعالي يا جزور ولحمة الجزار ماكوله
نصحناهم فلاكن ما يفيد النصح ويش نقول = فرق متفرقة واحزاب منفله ومفلوله
أيادي تشتغل وتحط من خلف الروؤس ذيول = شتات ومشكلة متمشكلة بالطبع مفعوله
مصيبتنا عروبتنا تراوح في وحل وغيول = تخلت عن مباديها ونارالحرب مشعوله
ولا نعلم ولا ندري عن المستقبل المجهول = تمر أحداث مشحونة بعلم الغيب مجهوله
جرايم محزنة سودا تثبتها الرجال عدول = تصرف مجرم (ن) خلى كبود الناس معلوله
يهددهم شبح موت (ن) تمثل في وصايف غول = حيوان (ن) مفترس جاهم يشيل الموت بحثوله
على غزه دمار وعار شعب (ن) بالشرك محبول = عسى رجل (ن) سعت في شقت الصفين مشلوله
عليها الطايرالمشؤوم بانواع العذاب يجول = بلاد (ن) واقع الشرقي رفح بالجن منزوله
ياربي تنقذ الغبراء ولا يبقى عليها زول = من أم العنصرية والخبر عاجل لها زوله
ولا يكسر خشوم القوم غير المدفع المكيول = وقوم (ن) ماتخاف عقابنا خسرى ومخذوله
بزند بواردي (ن) فاسر (ن) عن ساعد (ن) مفتول = إلى منه ثنى الركبه يحشر الجمع بفعوله
فتحنا القدس من بطن الجزيرة في سروج خيول = تهاذى بالعيال اللي لنصرالدين مرسوله
هبطنا الأودية غازين واجتزنا وعر وسهول = وحررنا البلاد وراية التوحيد محموله
فرشنا الارض بالدم الحمر فالفجر فرش زلول = وصلينا جماعة وايدي العدوان مغلوله
هذا قول (ن) عليه ثبوت بعصور (ن) مضت مقيول = وإلى قالوا من قايله قلناه ونقوله

صح لسان ( شاعر الوطن ) مدد بلا عدد

ودمتم في حفظ الرحمن

والسلام عليكم ورحمة الله وبركاته

أخوكم / سيف النير

الحقوق محفوظة لمنتديات قبيلة عتيبة الهيــــــــــــلا

[بدر الكريزي]

مشاء الله عليك يا ابو سعد ..

اول من نزلها في النت



عافاك الله ..


و صح لساان خلف بن هذال و طول الله في عمره ..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[أبونواف]

مشاءالله عليك أبو سعد ماله نصف من يوم ألقاها صح لسان أبو هذال شاعر الوطن
مشكور أبو سعد

[طارق النفيعي]

أبيض وجه ..

ماقصرت

التوقيع

أخوكم : طارق النفيعي

[مواطن سعودي]

صح لسان شاعرالوطن قصيدة رائعة

الله يعطيه الصحة والعافية

مشكور على ادراج القصيدة,,,,

[الذابح الجارح]

مشكوووووووووووور وبيض الله وجهك ياغالي


يعطيك العافيه

[motlq]

عافاك الله ..


و صح لساان خلف بن هذال و طول الله في عمره

[ابن رزيق]

صلح لسان ابوهذال وبيض وجه ابو سعد

[ولد سجوان]

صح لسان شاااااااااااااااعرنا ولاهنت يابو سعد

[طارق النفيعي]

فيه فديو وإلالا ؟