عينه طغاوت جيش

[أبو فيصل الدلبحي]

السلام عليكم ورحمة الله وبركاته

اطرح بين ايديكم هذي الابيات واتمنى ان تنال على اعجابكم وان كان بها مرئيات فنستفيد من نقدكم الهادف البناء

البارحه كني مع الناس مفجوع=من واحدن قسم حياتي على الارباع
واثر العرب كلن من الشوف مجزوع=اقلوبهم جاها من الزين مزاع
وقفت اناظر والنفس صار مقطوع=والقلب ذاق امن السحر عدت اجراع
كنه من السكر مع اللوز مصنوع=والريح عطرن ما تلازمه الاوداع
يمشي دلال وخالطه كبر وخشوع=والقوس بين اخطاه ينقاس بصباع
ما يلتفت لو تبعٌه صارو اجموع=مايلتفت لو زلزلو خلفه القاع
لو شافه المنعاق من هوله ايفوع=ويصير من ضمن المخاليق تباع
طوله على جسمه تفاصيل ووزوع=نبت الجمال وجمله زود الافراع
عينه طغاوت جيش برماح ودروع=جيشن يدك البيد للمٌلك هزاع
ابها خضوع الي وصل قمت الجوع=وبها سناء نار العتيبي بالاتلاع
قفاء وخلاني على الدرب مصروع=اشهق وعيني تتبع اخطاه بولاع
كن القلم عني من السحر مرفوع=والناس كلن من طغاء الزين مرتاع