مثله مثل بوش وانا كني عراقي

[المعتصم بالله]

ماعاد لي فيك لاحيلٍ ولا حيله=ضاعت ظنوني وضاعت هقوة الهاقي
عزي لحالي ومن مثلي ياعزيله=كثر الجفامن حبيبي شيّن اخلاقي
الله يلومه بعد ماكنت كليله=يامر وينها وانا له طوع منساقي
من كثر حبي اصدق كل تضليله=واثره مثل ماطلب اعناقه يبا عناقي
اجيه لو بس يشرلي بمنديله=اجيه عجلٍ لو امشي له على ساقي
ماهمني شرهة العاذل ولا قيله=ولا حسبت الخطر لو دمي يراقي
اسابق الوقت لعيونه واغنيله=واصبحت انا والزمان بجهد وسباقي
مخلص وموفي بحبي له وتدليله=وش عاد بيدي انا بعطيه وش باقي
شلت الوفا واحسب انه مثلي يشيله=واثره نواني بغدر وناوي فراقي
اسمع كلامه ولا افكر بتحليله=في خاين العهد مادري ويش انا لاقي
وليا سمعت النصيحه قلت وش هيله=خلوني بصحبته مادام لي راقي
واقول خلي عانوها منازيله=مسكان خلي تربع وسط الاعماقي
ظالم بحكمه علي يجيد تمثيله=مثله مثل بوش وانا كني عراقي
من خان في عشرته علي تبديله=يحرق اوراقه وقبله احرق اوراقي
عذبني الوقت في كثرة بهاذيله=اصبحت في هم وهمي كيف ينطاقي
يالله يالله انا طالبك تعديله=الوقت مايل وانا صدري منه ضاقي
ماغيرك احدٍ يشيل الهم ويزيله =يالله انا طالبك من نارك اعتاقي

[عبدالله الجـــذع]

المعتصـــم

ناادره يالنادر

قصيــده لاأملك سوى الوقوف لها
تبجيلا واحتراما لها ولصائغها

الف شكر لك
وصح فكرك وقلبك وراسك ولسانك يالغالي

ننتظر جديدك

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

الله..




كما عوتنا يالمعتصم قصيدة رائعة جدا...


صح لسانك..


ونترقب جديدك..