بين خشم المردمه والينوفي وارغبى

[الفااارس]

من قصائد سهل بن عقاب الكسر اتمنى ان تنال على اعجابكم .......
اسمعو قاف العتيبي طلع للسامعين
ذايق المر والحلو وفيه مجربى

تل قلبي تل غرب على زرق(ن)سمين
ساقها عبد(ن) خبيث الطبايع ويهبى

تضرب الحيطان والعبدجاين له رطين
كل مااسقاله جهه قالو الثاني يبى

بادي الرجم العنى مابداه الحزين
بين خشم المردمه والينوفي وارغبى

لجتي لجه خلوج تهجرس بالحنين
كل ماشافت طويل براسه ترقبى

ضايع(ن)منها ولدهابعد حاله سنين
تجدع الاصوات وتويق في راس النبى

صاحبي يرخي كلامه يخاف انه يبين
قلت له مرحبا بالكلام وبالغبى

مثل عين الحرالاشقر عيونك ياحسين
وفيك ثنتين اشارات من وصف الظبى

يالطيف الروح وقف وخذلك كلمتين
لا تعذبني علامك غساك تعذبى

شايل(ن)حمل المحبه عسى ربي يعين
صابني غرو غرير بقلبي يلعبى

بو نهود(ن)بالوصايف كما فنجال صين
ارحم العطشان من ماك خله يشربى

شربه منه الضمايربعد يبسه تلين
صوغه للمحبه على عشق الصبى