الشعر دوما يعبر عما بداخل الشاعر من احزان
والشاعر يلجأ دوما لاخراج فيض احزانه من
شعره ونحن المستمعون محضوضون بدررهم
التي يخرجونها لنا
هذه القصيده ممتلئه بما قلت اترككم معهاوهي
للشاعر \ زايد بن جلال المقاطي
الا يا زمان ارفق على قلبـي المخلـوج=أله مـدةٍ مهمـوم زايـد بـه خلاجـه
مضالي ليالي نوم عيني بغيـر سهـوج=وعزي لعيـنٍ تزعـج الدمـع زعاجـه
قعدت اتذكر وش حصل كني المسنـوج=ألـه مـدةٍ سهـران والنـوم مالاجـه
انا ما مشيت المعصيه والدروب العـوج=ورجلي قليلة مشي مـا هيـب دواجـه
وانا احب ربعي ماني بهم كثير هـروج=ولا أسمع دواد الخلق بالنمـاس هراجـه
ولكن حظي قام يصفق سـوات المـوج=بوسط البحر قامت تصافق به امواجـه
من اسباب راع الفخفخه نافخ الكربـوج=يشيل الزعامه ما عرف كيف مخراجـه
ليا شفت زوله قلت امير يقـود الفـوج=وهو ضايع ومضيع اليومه عـلا جـه
يجيب العلوم الضايعه رجنا المرجـوج=هروجه كبـار وهرجتـه دوم منعاجـه
يبى المرجله لكـن مابـان لـه منتـوج=ودرب الرجوله صعب مشيه ومنهاجـه
وباب الردى من دون راع الردى مزلوج=نبى نجّـود قفولـه ونحكـم بمزلاجـه
نبى نبعد ديـاره وخلـه بعيـد فجـوج=ونبعد عنـه ماعادنبغـى لـه مواجـه
زمان تبيّن فيه شيخـة جماعـه حـوج=عسى الله يبعدهم و لالـي بهـم حاجـه
« آخـــر الـــمـــشـــاركــــات »
30-May-2008, 05:04 AM
ابداع لزايد ابو عبيه اتمنى ان يحوز على رضى من يقرأها
العرض الشجري