( الصمت ضيم )

[بدرالهبيري]

السلام عليكم ورحمة الله وبركاته


قصيده جديده أحب ان اشارككم فيها عسى
ان تنال على الاعجاب ، ولكم كل الشكر ...

لاوافقن ّ العوج عوجا صريحه = بالله عليكم يآهل العرف شآقول
الصمت ضيم ولاهرجنا فضيحه = والعرض مدري ليه مايقبل الطول
اليوم اشوفه( بار )راع المنيحه=واشناه من فعله لو الهرج منقول
والله لآاذكيه مثل الذبيحه=لو مااعترف لي لو على شبه مدلول
العام اسميها ضمير ونصيحه=واليوم اسميها متاهات واحلول
عـَـلـَقـت والمخراج نزف القريحه=عسى قصيدي فيه الادراك مآمول
وانا مخاطبلي بوقتي شريحه = اخص واللي خص يلقى له اعقول
مااشره على المترديه والنطيحه = لاواكب المنهاج ابو هرج معسول
لاقال لازم سالــْفـَـتـه الصحيحه =وان قلت قول يقول ماهو بمعقول
لامن هجيته يعتبرها مديحه =واليا مدحته قلـّب اعيونه الحول
هذّار والهذّار نفسه شحيحه = غير ان عقله بعض الاحيان مشلول
وان كان نفسي منه ماهي مريحه= لاعاد ينشدني على ويش مذهول
النفس شينه والنوايا قبيحه=واشتلتها من تيهتي هم واحمول
على الرجا كم بحت فيها فصيحه= لكن مغير الياس مجني ومحصول
الدْ عيني كل ماشفت ضيحه = واسميتها في ضيعتي بااربع افصول
طرد السراب وعلة(ن) مستبيحه = للخافق اللي له زمانين مقتول
اليا نشقت لطايح الوسم ريحه = اجيه والقى القاع محمي ومنزول
ضاقتبي الآفاق لو هي فسيحه=والقيد بيديني مكبـّـل ومفتول
لو السكوت اعلاج نفس (ن) جريحه =كان التزمت الصمت مبطي على طول
لكن سكوتي منه روحي ذبيحه = الصمت باب(ن) مير ماهوب مدخول
اما افتحه والا فخذها صريحه = عساه يبقى طول الايام مقفول

ان شالله اعجبتكم يالغالين ..

تحياتي وتقديري .. بدرعيد ..

آخر تعديل بدرالهبيري يوم 07-Apr-2008 في 06:47 PM.

[عبدالرحمن الهيلوم]

صح السانك والله انك صادق

[معلا إبراهيم الأسعدي]

ضاقتـبـي الآفــاق لــو هــي فسيـحـه
والـقـيـد بيـديـنـي مـكـبّـل ومـفـتــول
لو السكوت اعلاج نفس (ن) جريحه
كان التزمت الصمت مبطي على طول


الله
الله الله الله


صح السانك يا بدرالهبيري

التوقيع

[عبدالله الجـــذع]

الله اكبر..

جزله يالجزل .

بيض الله وجهك ولاهان راسك يالقرم..

صح لسانك مليون..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[الــوآفــي]

مااشـره عـلـى المتـرديـه والنطيـحـه
لاواكـب المنهـاج ابـو هـرج معسـول



الله عليك يابدر



ابو عيد


ابداع ولا ارووووووع


لك من الورد اجمله


اخوك

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[نايف عريب الجد]

صح السانك قصيده طيبه

[سلطان العصيمي]

المشاركة الأصلية كتبت بواسطة بدرالهبيري

السلام عليكم ورحمة الله وبركاته


قصيده جديده أحب ان اشارككم فيها عسى
ان تنال على الاعجاب ، ولكم كل الشكر ...

لاوافقن ّ العوج عوجا صريحه = بالله عليكم يآهل العرف شآقول
الصمت ضيم ولاهرجنا فضيحه = والعرض مدري ليه مايقبل الطول
اليوم اشوفه( بار )راع المنيحه=واشناه من فعله لو الهرج منقول
والله لآاذكيه مثل الذبيحه=لو مااعترف لي لو على شبه مدلول
العام اسميها ضمير ونصيحه=واليوم اسميها متاهات واحلول
عـَـلـَقـت والمخراج نزف القريحه=عسى قصيدي فيه الادراك مآمول
وانا مخاطبلي بوقتي شريحه = اخص واللي خص يلقى له اعقول
مااشره على المترديه والنطيحه = لاواكب المنهاج ابو هرج معسول
لاقال لازم سالــْفـَـتـه الصحيحه =وان قلت قول يقول ماهو بمعقول
لامن هجيته يعتبرها مديحه =واليا مدحته قلـّب اعيونه الحول
هذّار والهذّار نفسه شحيحه = غير ان عقله بعض الاحيان مشلول
وان كان نفسي منه ماهي مريحه= لاعاد ينشدني على ويش مذهول
النفس شينه والنوايا قبيحه=واشتلتها من تيهتي هم واحمول
على الرجا كم بحت فيها فصيحه= لكن مغير الياس مجني ومحصول
الدْ عيني كل ماشفت ضيحه = واسميتها في ضيعتي بااربع افصول
طرد السراب وعلة(ن) مستبيحه = للخافق اللي له زمانين مقتول
اليا نشقت لطايح الوسم ريحه = اجيه والقى القاع محمي ومنزول
ضاقتبي الآفاق لو هي فسيحه=والقيد بيديني مكبـّـل ومفتول
لو السكوت اعلاج نفس (ن) جريحه =كان التزمت الصمت مبطي على طول
لكن سكوتي منه روحي ذبيحه = الصمت باب(ن) مير ماهوب مدخول
اما افتحه والا فخذها صريحه = عساه يبقى طول الايام مقفول

انشالله اعجبتكم يالغالين ..

تحياتي وتقديري .. بدرعيد ..

اقتبستها كلها لنها كايفه

صح لسانك ما قصرت والله انك صادق

[بدرالهبيري]

الاخ عبدالرحمن مشكور على الحضور ..
تحياتي وتقديري .. بدرعيد ..

[بدرالهبيري]

الاخ الكريم الشاعر شامان الاسعدي
صح بدنك وحياك الله يالغالي ..
تحياتي وتقديري .. بدرعيد ..

[معجب العتيبي]

صح لسانك يابو عيد

مبدع مبدع

التوقيع