فاأنا لي عزوتن باأيمانها تفتل شواربهاا

[عبدالعزيز حمد]

بسم الله الرحمن الرحيم



السلام عليكم ورحمه الله وبركاته







أقول :


الا ياونتن ونيتها من خاطري قدلي ثمان ليال
ـــــــــــــــــــــــــــــــــــــــــــــ ولو مظهرتها ضاقت ضلوعي من محانبها ..
على رب الملا مشكا عيون (ن) نومها جفال
ـــــــــــــــــــــــــــــــــــــــــــ تسامر ليلها بالدمعة الزرقاء وتســــكبها ..
أنا شابت عيوني من زمان (ن) حيــر العقـال
ــــــــــــــــــــــــــــــــــــــ وزمانن غير سلوم العرب واخلف مذاهبها ..
يقـدر له رجال (ن) مالها وزنن ولامثقــــال
ـــــــــــــــــــــــــــــــــــــــــــ رجالن واطيــــــة لكن عــزتها مناصبها ..
أياديها قصار واما السنتها بالهروج طوال
ــــــــــــــــــــــــــــــــــــــــ ومعاريف الرجال وطيبها ماهي بجينـبها ..
هذا وقتن رفع قدر الجبان وحط لة منزال
ــــــــــــــــــــــــــــــــ وعطران الشوارب ذلها وارخى مناكبها ..
خوين فار من خوة خوية جعلة الســـلال
ـــــــــــــــــــــــــــــــــ وروسن تنكر المعروف لعن الله صلايبها ..
تحسب المرجلة صبة فناجيل وشرب دلال
ـــــــــــــــــــــــــــــــــ أبوك المرجلة تفني حياتك قبل تكسبها ..
ولو نيل المراجل بالتمني كان كلن نال
ـــــــــــــــــــــــــــــــــــ ولكنها من المعبود رب البيت واهبـــــها ..
ترى اللي تاصفة بالنقص والتقصير والاهمال
ــــــــــــــــــــــــــــــــ سبح كل البحور السود لعيونك وغاصبها ..
ونكران الجمايل يارفيقي تقهــر الرجــال
ـــــــــــــــــــــــــــــــ تنكرت لمعاريفي ولاادري وش سبايبها ..
اذا يمناي ماطالت قصر من دونـــها الفنجـــال
ـــــــــــــــــــــــــــــ ولو ماوردتنـــي للمرجــل مكليتبـــــــــها ..
شرابي من يميني ماشربت من أيد عم وخال
ــــــــــــــــــــــــــــ كذا نسل الحرار اللي تعيشها مخالبها ..
ربيت بقصر شيخن للمراجل والكرم مدهال
ـــــــــــــــــــــــــ ولة خمسة رجالن شورها من راس شايبها ..
وانا من أكبر عيال العود لي مارد ومنهال
ـــــــــــــــــــــــ مع اهل الطيب والا أهل الرداء ماني مصاحبها ..
كريم ومن كرام ومارضيت الذل والاذلال
ـــــــــــــــــــــــــــ كمااا صقرن يربى اللي طويلاتن مراقبها
أنا قصرن يظلل من نصاه يدور المقيال
ـــــــــــــــــــــــــ وليا هبت هبوب الصيف يذري من هبايبها
اليلمن ثرا عج الخيل كلن عزوتة تنقال
ـــــــــــــــــــــــــــــــــــ فاأنا لي عزوتن باأيمانها تفتل شواربهاا
وليمن ثرات الهيجاء وبانت وقفة الابطال
ـــــــــــــــــــــــــــــــــــ فقدنا في النفوس روسنا تندح سوالـبها
رسيت بمنهج الراسي تزول الراسية مازال
ــــــــــــــــــــــــــــ أحاسب نفسي بنفسي قبل غيري يحاسبها
جلوسي مع رجالن ماتبيني غاية الاذلال
ــــــــــــــــــــــــــــ ولو قامت ترحبي ورفتلـــــي حواجبــــــها
عسى امن جابت النذل الذليل دموعها تنسال
ـــــــــــــــــــــــــ على موتة وفقدانة تعزيـــها قرايـــــــبها



وسلامتكم



الشاعر / عبدالعزيز حمد السميري العتيبي

[مرزوق حمدان العتيبي]

..
.

صح لسانك ياعبد العزيز .. وبيض الله وجهك على الجزاله
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عبدالله الجـــذع]

صح لسانك وبيض الله وجهكـ...

جزله يالجزل ..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالعزيز حمد]

لا هنت يمرزوق


على المرور


وصح بدنك يالغلا