قصيدة الشاعر فيصل اللويش الشمري

[عبدالرحمن الهيلوم]

قصيدة الشاعر فيصل اللويش الشمري

ايا الله نسالك السلامه
من اللى هيض الشعر بسلامه

هجد ليلي على غفله وسلم
وطوع عقب ماسلم لثامه

كان الشمس سارت وسط ليل
تفتق من توهجها ظلامه

كان العين قطعة ليل طاحت
على وجه الضحى ولي غمامه

وكسرة ليلي صبرها نهاره
تحوم وجت هنا بالضبط شامه

واقبل مثل نبة عود(ن) زرق
تشمه قبل لاتسمع كلامه

تهزع مثل غضن لا تهزع
ليالن توقع فوقها حمامه

يرتب فوضوية كل شاعر
يبعثر ايدلوجية نظامه

تبسم يوم جفلني بعينه
عرفت ان اول الموت ابتسامه

رمتني بمقتل سود البنادق
تفتق كل مافيني امامه

كاني من علي السيفي تفرج
علي الموج تلاعب في حطامه

وخبر ان الرصاصه اليا تدور
تترك اثار من جفش وعلامه

غريبه كيف رصاصه رماني
والي الحين مزين بحزامه

والاغرب كيف رصاصا بجوفي وصدري
لم تهشم بعظامه

اذا ما هو بذنبه اللي قتلني
ولا تلقي علي مثله ملامه

فقتل مثل هذا لم يوضح
ولم يعرف حلاله من حرامه

جهمبي وشد في ذمل الحنايا
ولامن الظلم غير الجهامه

هنا حطيت نقطه وتوقف
مدام انه تبين لي مرامه

فبعض اللي يشدك من مفاتن
يخلف في تواليه الندامه

اخاف الله في شعري واحاذر
ورانا موت وبعث وقيامه

وحساب لكل كلمه وكل شاعر
وسمع النا س لابد احترامه

لشعري هامه ان طاولت فيها
حفظت لكل رجالا مقامه

قصيد له رجاجيل ومنازل
رقت ولكل له قدرا وهامه

نزل بعضه علي ضلع وثنيه
ورجم ونابيه وحزم وعدامه

فلم اصعد انا للشعر
اتيت الشعر م اعلى سنامه

رضيع الشوق يكبر وسط صدري
وانا ودي ولا ودي فطامه

ولامن نام زملته اضلوعي
ايا الله نسألك السلامه

[محمد العتيبي]

مشكور يابوداحم
وصح لسان اللويش..
..

التوقيع

للتواصل عبر twitter تويتر al_bargawy@

[@ـايل]

ونعم في الشاعر فيصل الشمري

وصح لسانه

والله يعطيك العافيه يالهيلوم على نقل القصيده

لاهنت والله يقويك

التوقيع

تويتر : AlHooL@

[محب الهيلا]

ماهي اكثر جزاله من قصايد عيال الهيلا

[عبدالرحمن الهيلوم]

شكرا علي المرور