قراتها في منتدى امون عليه
وجلبتها لكم
لتستمتعوا بابياتها الجزله
السلام عليكم ،
( لاشك ان ما ترمز لهم هذه البويتات ليسوا بجميع المشاركين حتما ، فهناك مبدعين يمثلون الشعر بوجهه الصحيح و واجهته الصحيّه وهم بعيدون عن الشك كما يقال )
فالك المليـار يـا نشـوى الروينـي=خلّـي المليـون للـيّ صفقـوا لـه
فـي سجّـل مشجّعينـك سجّليـنـي=بعد ما فزتي علـى عيـال الحمولـه
لا جمعتيهم علـى سمـن وسمينـي=أسمني .. وأخذي من السمن العموله !
جـابـك الله للبـنـات وللبنـيـنـي=والولد مهبـول .. والبنـت مهبولـه
تـاجـري بعقولـهـم والله يعيـنـي=يـوم قـام العنصـري يتبـع ميولـه
حرّكـي فزعاتهـم فـي كـلّ حينـي=وخلّي النخـوه تقـول اللـي تقولـه
بالرسايل مـن يسـار ومـن يمينـي=جاك فـزّاع العـرب يشعـب ذلولـه
هكـذا حنّـا علـى مـرّ السنيـنـي=مـا نمثّـل غيـر بـأدوار البطولـه
فـي دولـنـا .. زادوا المتنبّييـنـي=وكلّ متنبّي لقـا لـه سيـف دولـه !
يذبـح ويصلـخ ويومـي باليديـنـي=بالحـركـات البطـيّـه والعجـولـه
كـل مـا زوّد حمـاسـه حبّتيـنـي=أنتثـر حبّـه وشالـه فـي حثـولـه
يجلـب المحضـور بيـن المسلمينـي=والجماهيـر المجانيـن أهتفـوا لـه
يحسب أنـه يملـك العقـل الذهينـي=ينظم مـن الوهـم مرجانـه ولولـه
لو فرضنـا الشّعـر مدلولـه ثمينـي=أستباحوا فرضـه وعرضـه وطولـه
روضـة ٍ عيّـت تسـرّ الناظريـنـي=وكلّنا داريـن فـي الوضـع وحلولـه
مـا نعيـش بخيـر وحنّـا غافلينـي=( عن كتاب الله وعن سنّة رسولـه )
« آخـــر الـــمـــشـــاركــــات »
19-Jan-2008, 07:20 PM
قصيده فالها المليون ***في المليونيره نشوى الرويني المصريه
العرض الشجري