خالد الحميداني يكشف لكم سبب استبعاده من المسابقة

[زعيم مطير]

صرح الشاعر المستبعد من حلقة هذا الأسبوع الشاعر خالد الحميداني المطيري بهذا التصريح الاعلامي حول ملابسات القرار الذي بموجبه استبعد من المشاركه في الحلقه الثالثه من برنامج شاعر المليون في نسختها الثانيه والتي كانت مقرره هذا اليوم الثلاثاء الموافق 29/12/1428هــ . حيث قال:

احب اوضح لكم انه كان هناك بروفه لنا نحن الشعراء كانت يوم امس الاثنين الموافق 28/12/1428 وكنت مؤكد الحجز من الرياض الى ابوظبي وفي الليله التي قبلها الم بي عارض صحي مفاجيء ودخلت على اثره المستشفى وطافت الطائره ثم قمت بتأكيد الحجز على الرحله الاخرى من عصر نفس اليوم واتصلت على الاخ عبدالله المصعبي منسق الحجوزات للشعراء وابلغته ماحصل لي بالضبط وقال مافيه اي مشكله ثم كلمني الاخ سالم المزروعي بعد ذلك بقليل وقال يؤسفني انه تم استبعادك بقرار من الاداره وحاولت التفاهم معه وان هناك عذر مبرر ومثبت ولكن دون جدوى .
وان المليون والبيرق بالنسبه لي هي قبيلتي والبرنامج يضيف للشاعر ولايصنعه وهذه تحيه خاصه لابناء قبيلتي اللذين اشعروني بأهتمامهم
وهذه قصيدتي التي كنت سأشارك بها..

تاخذني افكاري وتصحي مواجعي =وادور طبيبٍ بالعلاج خبير
حكيمٍ بتدبيره عليمٍ بواجبه =يقرأ الحدث قبل الامور تصير
لجة هواجيسي وهاضت مشاعري =غدى لها بين الظلوع نفير
ماكل قولٍ يطرب اللي يسمعه =ولاكل من يسمع معه تفكير
لو حلل العراف كلمة شاعر =ماتكسر السلعه من التسعير
بديت المعاني في جزيلٍ من الوفاء =ود وفخر في صفحة التحرير
ابن العرب والمملكه هي داري =رمز السلام اللي علمها غير
دارٍ معزي عزها واسسها =على العدل بالصارم الشطير
مطفي مشاعيل الجهاله والفتن =مشعل قناديل الهدى تنوير
واصبح وطن في قلب كل سعودي =به يلتقي درب الامن والخير
لي الشرف اني من ابناء شعبه =وارض العرب هي بيتي الكبير
واللي يصير من العراق لغزه =في انعكاساته لها تأثير
من واقعٍ فيه انكسار الامه =كسرٍ معه كم يصعب التجبير
بالعقل لامنك سبرت اغواره =كنه تراه بمجهر التكبير
اوضاعنا تفرض علينا الوحده =حنا بحاجة صحوة الضمير
امانا بالله ثم بالقاده =وضروفنا ماتحتمل تأخير
تملي فرقتنا ووحدة غيرنا =وايماننا في وحدة المصير
تنازع الامه يهدم مجدها =من التكاتف ينهض التظوير
تبدي لنا شمس السلام وتشرق =تجلي ضلام العنف والتهجير
اذا اجتمعنا واتحد مفهمونا =يجي لنا بين الامم تقدير
يبقى الامل حلمٍ نحب نعيشه =يطرب عليه السمع والنظي
والشعر غصنن كل مامال بالحشا =غنا ولاغنا عليه الطير

1
وهذا الرابط للمتابعة
http://www.alsahaa.com/news.php?action=show&id=210

[مشاري]

لعلها خيره له

والله يوفقه ..


تحيتي لك.

[Man من العتبان]

يمكن الله راده عن شي هو لايعلم بهاا

مشكور على النقل وماقصرت يا زعيم مطير

[عبدالرحمن الهيلوم]

مقدر ومكتوب0 وخيرها بغيرها يالمطيري


وهذا دلاله علي استخفاف الامارتيون ومن خلف البرنامج بالقبايل وشعارها ! ولكن قبل اخرجوا السبيعي والعتيبي حجرف و نايف !!

ولكن الله ايوفق كل مسلم يحب لاخيه المسلم مايحب لنفسه

[محمد العتيبي]

لجنة خدااع وزور
ونشكرك لاضافتك الجديده لعيوب
او فضائح اللجنه الخائبه..

التوقيع

للتواصل عبر twitter تويتر al_bargawy@

[زعيم مطير]

مشكورييييييييييييييييييييين


على المرور الكريم

وبرنامج شاعر المليون مضحكة على العقول

لكن متى يفهم العقلاء

تحياتي لكم

[بندر الحافي]

لعلها خيرهـ للشاعر

والله يوفقه وصح لسانه

قصيده جزله من شاعر بطل

الله يوفق الجميع

التوقيع

[دوسي زهراني]

صــح لســانه وخيــرها في غــيرها ..
واعتقــد ان اللجنــه فيهــا بلى بالذات العميمــي وبدر مصفــوق ..
مشكــور يازعــيم مطــير ..













أحبــك يا حسيــن والقمــر يشهــد ،،



قــالها الحربــي : ماااايخســر من يلعــب لــه مـــالك ،،




البيــرق يحتفــل بخــالد شــاعر الرســول وليــس العكــس ،،



تحيــات عــاشق الاهلــي الملكــي وجمهــوره
نــايــف الدوســي الزهــراني

آخر تعديل دوسي زهراني يوم 09-Jan-2008 في 01:38 PM.

[شامخ الراي]

قلت حيا حتى ماعندهم تقدير لظروف للشعراء ..... برنامج مادي بحت فقط .
والشاعر في غنى عنهم والله يوفقه

[ابن النفعة]

صح لسان الشاعر وانا اشهد انه كفو

والخسارة للبرنامج ماهي له ,,,

والله يوفق الجميع ,,,