افتراضي قصيدة لافي الغيداني الحربي ومجاراة ابن عون لها

[ابن مرغي]

قصيدة الشاعر الكبير

ياراكب اللي مافي فخامتـه هرجـه=وعلى جبينه رموز لدولـة انتاجـه
جيبٍ ركونه قدم.. واخلاف مدرجـه=يطوي سراميد جرد البيـد منهاجـه
الوقـت دوّار والايــام منـدرجـه=كم طيبٍ حوّله من عالـي ابراجـه
لياقام وقتك يقلـط عوره..وعرجـه=وازريت تصبر على عوجاه..وزعاجه
أمتس حبل اللزوم وقلـة الخرجـه=ودورّ رفيق الرخا حجـه لمخراجـه
نصه حزام الظهر بالساعه الحرجـه=اللي للأصحاب دايم يضحك حجاجـه
على يديه اعتبـر كربتـك منفرجـه=مثل الدوا اللي (يدس) لحزة الحاجـه
تجيه مشدوده اعصابـك ومنحرجـه=وتروح من عنده اعصابـك بثلاجـه
وان قيل بالله من ؟ قل مابها هرجه=مسلط..ليامـن كـلٍ عـد ماواجـه
الشعر باربوع دخنه نـورّت سرجـه=وطرى على ابـن لعبونه..ومجماجـه
علـى المثاليـه المعروفـه الزرجـه=أبدع بسبـكٍ وحبـك وزيـن ديباجـه
هاواه ومع اوسع ابوابه دخـل برجـه=وبصف سرج البلاغه نـورّ سراجـه
ماهوب شعرٍ حديـثٍ مايـلٍ سرجـه=قشرٍٍ دروبه عـن الاسنـاع منعاجـه
أهل الحداثه بعضهم نافـضٍ خرجـه=وباب الشعر مايعرف رموز مزلاجـه
والشعر إله مكمـنٍ ماينفتـح درجـه=الا مع اللي يعـرف يـزاوج ازواجـه
وجمهورهم مدفعٍ يكبس بـلا درجـه=فيهم مرض شبهةٍ مايعرف اعلاجـه
حط الذكيه سو ى بالحكم..والحرجـه=ويقارن الجعد ابن درهم بابـن ماجـه
ولافي من اللي تروي الرمح ابو زرجه=تنطح محيط الخطر لاهاجـت امواجـه
ربعٍ لياصار عنـد اقطيهـن حرجـه=في طيب الافعـال للضيقـات فراجـه

بعد البيت التاسع للشاعر لاافي الغيداني الحربي

يرد الشاعر الغني عن التعريف ابن عون