يازين شوفت صاحبي لجا مسيـر كالخيـالي =شبه سحابه غيثها من عند ربـي منزلـي
الخد كنه برق يتبسـم علـى روس الجبـال =ويعانقـه هتـان يانـواف ابـد ماينجلـي
والله وانا الولهان ماقد دمعى فالاوجان سال =في حب عذرى غيرها يامن يعيـن المبتلـي
اذا تكلم كلمته كالكيف فـي صفـر الـدلال =والشاذلية طيبهـا ماعنهـا واحـد يجهلـي
ماقول كامـل وصفهـا لاشـك لله الكمـال =اقـول ذي حوريتـاً ماتزعـل ولاتزعلـي
وجدي عليها وجد من له حاجه وعنده سوال =في يد عدوه حلهـا ماهـو بقـادر يسألـي
ودي بها لو سوقها اميات صفر من الجمال =ودي بها لو قربها يفـرح ويمكـن يقتلـي
محميه من العيب ربوهـا صناديـد الرجـال =الي يحبون الكـرم والطيـب فيهـم يعتلـي
يالله عساها من النصيب تصيب يارب الجلال =ويالله ابجنات الخلـود الـي بهـا نتجملـي
« آخـــر الـــمـــشـــاركــــات »
18-Nov-2007, 01:26 PM
العرض العادي
