الدويـــــــــــــــــــــــله

[رويس نجد1]

السلام عليكم ورحمة الله وبركاته
اولا نعمً بجميع القبائل من دون استثناء
ثانياً القصد من هذه القصيده ذكربعض من محاسن القبيله وهي قبيلة الروسان من برقا من قبيلة عتيبه
وشيخهم هو عبدالعزيز بن خالد بن جامع . اطال الله في عمره
ديارهم مصده . والقرنه .
و نعتذر عن التقصير .
يا حمود خذ علمي ولاهو تكــبار ***** يحق لـــــــــي افخر بمــن مجــدونه
وانا عوض ادرى رفيـقي ولو بار***** والله لسوق العمر والمـــــــال دونه
ونذرً علي لحتــــمي الجار لو جار***** ونذر عليه عرض غيري لصــــونه
ربعي هم الروســـــان حماية الجار *****اهل الكرم والطيــب واهل المعونه
قصيـــــرنا ياحمــــــود مابدل الدار ***** تطيــــــح روس ولا تجيه المهونه
واللي زبنا زابـــــنً ضلع سنجـــار***** لاشك ربعي يــــــا الشلي يحتمونه
حنا علم يا حمــود في راسه النار ***** يشهد لنا التـــــــاريخ لو ينشدونه
وحنا الدويـــــــــلـه نلحق الثار بالثار ***** ولحدن اخذ منــــــــا قضً يطلبونه
ربعي قلايعهم اصيـــــلات الامهار ***** وعدونا لا مــــــــا يجي هم يجونه
محد طمع فينا ولو صــــار ماصار***** وكم من عدوً عزوتـــــــي يخلفونه
كنا بدرع وخيل مع سيــــــف بتار***** وطريحنا موته يجـــــــي من طعونه
لآد المروح عزوتي درع وستـار *****واميــــــــــــرنا معروف ما يجهلونه
عبدالعزيز اللي به الطيب يحتـار***** شيــــــــــــــــــوخ نجد كلها يعرفونه
زوروه فالقرنه وشوفو بالانظار***** تلقــــــــــون في بيت الشعر ما تبونه
وباقي عتيبه كفو وكلن وله كار***** ما فيهم اللي مــــــايـــــــدمي سنونه
وكل القبــــــايل وافياتً بالاشبار***** نعم بهم وكلــــــن يمجد فنــــــــــونه


الشاعر / عوض بن حمود الرويس العتيبي

آخر تعديل رويس نجد1 يوم 19-Sep-2007 في 01:33 AM.

[ابوبجاد الرويس]

حياك الله يا رويس نجد

ومنور المنتدى بحضورك ومشاركاتك الرائعه

وبيض الله وجهك على القصيدة الجزله

وصح لسان الشاعر

.. الديار باقي مصده والقرنه وافقراء والمحمدية ,,,,,,,,

وتقبل مروري يالغالي

[هلال الدوادمي]

لاهنت .....


يالغالي ....


صح لسان قايلها ......ويد ناقلها

[رويس نجد1]

شاكريــن لكم على مـــروركم الطــيب اللي اسعــدني
وصــح بدنـــــــــــكم جميعـآ
وتقبلـــو تحيــاتي
أخوكــم عوض بن حمـــود الرويس
وعسى ان تكون حازت على رضاكم

[صقرالحره]

صح لسانك اخي عوض

ونعم بالجميع
شكرا لك لاهنت

[رويس نجد1]

صقر الحره
اشكرك من كل قلبي على المرور الطيب الف شكر
يا صقر

[نواف العصيمي]

يعطيك العافيه

..وصح لسان الشاعر الرويس
ولك التقدير والإحترام

التوقيع