نكفى ياذرب الفعل؟

[عطيب الظرايب]

بسم الله الرحمن الرحيم
السلام عليكم ورحمة الله وبركاته امابعد.
فهذه مشاركتي الأولى والتي كانت مناسبتها في احد ابناء هذه القبيله ومضمون القصيده واضح ولكن للاسف لم احصل على ماكنت اتمنى:


سر ياقلم واكتب بيوتن ظريفه
سجل تفاكير الهواجيس بحروف
واكتب من إعذاب المعاني العفيفه
من هاجسن يقطف من الجزل مقطوف
معانين عن كل زله نظيفه
منقيتن تصعب على كل صيروف
بانصابها رجلن علومه شريفه
رجلن بعلم الطيب والخير معروف
لوكان معرفتي بشخصه خفيفه
ذكر الحيا لوهو على البعد مشيوف
رجلن عشقه الطيب واصبح حليفه
وللطيب في شكله تعابير ووصوف
انخاك يامحمد بجدك وسيفه
وبعلوم ابوك وعلم الاجواد منصوف
انخاك نخوة من تكسر جديفه
وسط البحر في غبته جاه عاصوف
الصبر كمل والليالي كليفه
صبرت حتى بينت خافي الجوف
بين الرقيب وضابطه مع عريفه
مابين لحجين وداشر وملقوف
والذل تقبله النفوس الضعيفه
ولاني على ذل الريجيل مكلوف
تكفى ياذرب الفعل ابالي وظيفه
وشرواك بالنخوات ياذيب مشعوف
هذي حوالي خمس نفسي عسيفه
وهمي بوسط الجاش ماهوب مكشوف
وشرواك لاعد الجبال المنيفه
ياخذ مطاليبه بمنقار وكفوف
وانا نخيتك ياطليق الصحيفه
وفي نخوتي ماظنتي حاصل حسوف
طامع لخير منك ماني بعيفه
ومثلك على درب العلا يبعد الشوف

[السميــــــري]

.. عز الله انهاا وفيه ..
وتخلي البخيل كريماا ..

صح لسانك ..

قصيدة , راائعة ..

[عطيب الظرايب]

شكرا على المرور الرائع اخوي السميري وتراني نخيت عدة رجال في مناصب مرموقه بعدد من القصائد والمشكله انهم من عيال عمنا من الهيلا وشكواي لله سبحانه؟والظاهر اني اخطيت في العنوان