طلبات تخص العلم رشيد الزلامي

[بدر المر]

السلام عليكم ورحمة الله وبركاته
اخواني الاعضاء عندي طلب بسيط وهو الله لايهينكم:
انكم تحطولي هنياه محاورات لرشيد الزلامي يكون فيها شرشح الشاعر اللي قدامه واللي يجي منكم على الراس والعين سواء كتابيه ام صوتيه ام كانت بالفيديو والله لايهينكم مرة ثانيه
ومبروك بالعيد قبل......... معروفه صارت على كل لسان هههههههههه

[نادر العش]

..

.


وعليكم السلام ورحمة الله وبركاته


يسلم الراس وعيونه يابدر المر .. وأبشر بسعدك :




هذا مقطع شرشحة عالمية بين رشيد الزلامي XXX تركي الفين

ويمكن قد شفته لكن ماينمع نجيبه.



و إليك الرابط :




http://www.bof3d.com/upload/upload/wh_562326863.3gp



ولو شفت شريط الفيديو اللي فيه المحاورة هذي يمكن تستغرب على تركي بعض تصرفاته في المحاورة ,, لأنه كان في قمة الإرتباك و وجهه متغير بالحيل ,, وجاء واحد من المطران يبي يحب خشم تركي , قال تركي : ( فكّوني منكم روحوا وراكم ) !!! شي عجيب : بالعادة تركي يستانس ويضحك إذا جاه أي واحد من الصف يبي يحب خشمه ,, لكن هو هذي المرّة ماودّه يشجع المطران أو يسوّي نوع من العنصرية والزلامي موجود !! ,,

بس الصراحة ما ألومه لأن اللي قدّامه هامور الشعراء .

( وإن شاء الله أجيب المقطع اللي فيه إرتباك تركي في أقرب وقت ).




* *






وهذا مقطع لايقل قوة ( شرشحة ) عن المقطع السابق


بين رشيد الزلامي XXX خلف بن دوّاس المطيري



وإليك الرابط :




http://www.bof3d.com/upload/upload/wh_694220141.3gp



. .

.




وإعذرنا على القصور يا بدر المر



ولا تروح بعيد ترى الخير واجد !








مع أطيب الأمنيات



نادر العش
...

[الجـذع]

موضوع رائع ويخص شخص رائع ورشيد الزلامي وانا من وجهت نظري ان جميع محاوراته قويه لكن نبي بعض المحاورات الي كانت بينه وبين الشعراء الكبار امثال
فلاح القرقاح
سلطان الهاجري
محمد السناني
ابن شايق
الرياحي

وغيرهم الكثير...

ونبيها تكون محاورات قويه جدا جدا

ان وجدت


وشاكرين لكم جهودكم مسبقا


تحياتي ..

[بدر المر]

بصراحه الكلام مايوفي حقك ياخوي نادر العش ومشكور مليون وجزاك الله خير وبصراحه البيت الاخير لرشيد الزلامي مع خليف مجنون بكل ماتعنيه الكلمة من معنى خصوصاً الشطر الاخير يوم يقول كلمة يصعب الفكر تحليلها ومعناها خطير خطيرجداً ويسكت المطران كلهم مهو بس خليف



واتمنى من اخواني وعصابة راسي العتبان التفاعل اكثر ماني خابرهم بهالبرود وطيحة الحيل خابرهم يلبون من يطلبهم
ودمتم

[الجـذع]

السلام عليكم ورحمة الله وبركاته


هذه رابط فيه محاوره للزلامي وتركي
http://www.alhaila.net/m/showthread.php?t=30557

وهذا رابط للزلامي والشاعر الكبير ابن جرشان
http://www.eqla3.com/sh3r/m/rm/m27.rm

وهذا رابط للزلامي والشاعر الكبير احمد الناصر من موقع قصيد لكنه محجوب حاليا فحملته لكم

هــنــــا

[نادر العش]

..



إستلم يابدر المر وبقية الأعضاء :




هذه محاورة كتابية بين :


الزلامي XXX عبدالله بن شايق


وتقريباً هذه أشهر محاورة بينهما ,, لأنهم ذكروا مادار بين عتيبة وقحطان في الماضي.

ويلفت إنتباه أي شخص يقرأها كيف يستطيع الزلامي إستفزاز أخصامه بالأبيات القوية التي تضعف معنويات الخصم (فهو دائماً يجمع بين الهجوم على الخصم وإستفزازه لإضحاك المستمع عليه في بيت واحد ). وسأشير بجانب ابيات الزلامي المحتوية على الإستفزاز مع القوة , بإشارة ( * )

وللأمانة فالشاعر عبدالله بن شايق كان نعم الخصم في هذه المحاورة وأبياته قوية جداً .


فإليكم المحاورة :




إبن شايق :

ياماعازيب الوفاء وأنتم دعيتونـا وجينـا
قبل مردود البرا يا زين مـردود السلامـي

الزلامي شاعر(ن) شايب وله حق(ن) علينا
والحقيقه كل خلـق الله يحبـون الزلامـي






رشيد الزلامي

مرحبـا والله يحيكـم وحنـا حاضرينـا
وانتبه للكلمه اللي لاحـلال ولاحرامـي

اثر في قلبك محبّه من زمـان ولادرينـا
شوف لك واحد سنينك يتّجه بك شرق شامي *






ابن شايق :

الرجـال الطيبين يقـدّرون الطيبينـا
خلنا نلعب ونكسب خبرتك خمسين عامي

لاتناظر فوق وتعـد الليالـي والسنينـا
الحرامي يحسب كل من قابله مثله حرامي





الزلامي

شد حيلك وإدحـم الشعار بالجنـب المتينـا
والهدف في راس ظلع(ن)مايصيبه كل رامي

والله انا مالقينا صورتك في حـرب سينـا
مير هذا الوقت جبت البندقيـه والحزامـي






ابن شايق :
عيّت الشاره تطيح إليـا رميتوهـا رمينـا
الطمع بيني وبينك فالـردوف وفالسنامـي

وأنت لك صوره على شاطي بحر هادي ومينا
لاتلحقنـا المـلام ولانلحـقـك المـلامـي






الزلامي :

ودّنا يسـرون ضيفـان الكرامـه مكرمينـا
وإن بغيت أكوي كويت و ميسمي فالنار حامي

عقـب ذاك الوقـت أظنّـا لانبيـك ولاتبينـا
رحت مرواح الغراب اللـي تقفّـاه العسامـي






ابن شايق :

ان رضيتوا مازعلنا ون زعلتو مارضينا
لاتخلينا نشيل الروس ونقص العظامي

فيك ثنتينن سوا والثالثه وحده وفينـا
نحمد الله ضحكت الدنيا لنا والحظ قامي






الزلامي :

ياعيال العود مادون الحلـوق الا اليدينـا
مير حنا يوم شفنا العود في خشمه عرامي

من قرارة نجد سقناكم وجيتـو مقبلينـا
مادرا جنب الحصاه الا تـردّون السلامـي *






ابن شايق :

لونعد الفعل الاول كم خذيتوا كم خذينـا
ياحليمه جوك خلان الأشدّه والمسامـي

يوم حولنا عليكم من يسار ومن يمينـا
رحت من نجد العذيه يالحجازي والتهامي





الزلامي :

شفت ذريَّة حليمه يوم جوكم سارحينا
إن حييت بغبنها وإن مت مانته للرّحَامي

إن فعلتو شي في ذاك الزمان مسامحينا
انتبه هذا كلام المعركه ماهـو كلامـي






ابن شايق :

دورو لشيخوكم وليـا نسيتـو مانسينـا
انت مانته حامي(ن) بيض الحباري والنعامي

إن خجلتو وإستحيتوا ماخجلنا وإستحينـا
إسمحوا لي باتكلـم ياعزيزيـن المقامـي






الزلامي :

الصحيح إنّا نسينا مَـن حنَّـا فاقدينـا
تاخذ الراعي وناخذ فيه حامين الجهامي

يالله إغفر ذنبنا وإن كان حنا مسرفينـا
والخطيه يوم عَرَّضنا القحاطين المظامي *




أنظروا للبيت الأخير كيف كان للإستفزاز والضحك !




وباقي من المحاورة بيتين لإبن شايق وبيت للزلامي لكنها لاتحضرني حالياً وليست كقوة الأبيات السابقة ,




* *


ولاتتأخرون فالخير كثير .. !




. .



نادر العش

[العفريت]

نادر العش شكرا لك الف مره

[بدر المر]

لساني عاجز عن الشكر يالجذع ونادر العش وابشر ماحنا رايحين بعيد منتظرينك على احر من لاهب النار

[الجـذع]

السلام عليكم ورحمة الله وبركاته

هذه محاوره صوتيه للزلامي × حبيب العازمي

http://www.alhaila.net/m/showthread.php?t=30579

[نادر العش]

..


سم يابدر المر ولا هانوا الأعضاء



هذي نوع من أنواع الشرشحة , لكنها بالمعاني المخفية !


هي محاورة من العيار الثقيل وبين قامات شعرية غنية عن التعريف :


رشيد الزلامي XXX وصياف الحربي


وللإيضاح البسيط : هذه المحاورة بدأها الزلامي وكان يتكلم عن الأديب ( مرزوق بن تنباك الحربي ) الذي حاول التهميش والتقليل من قيمة الشعر الشعبي ووقف ضده شعراء وجمهور الشعر الشعبي ,

وكان الزلامي يخاطب صياف في هذه المحاورة على أنه (مرزوق بن تنباك الحربي) لأن صياف من قبيلة مرزوق بن تنباك ( قبيلة حرب ) ,


إليكم :



قال الزلامي :

يا سلامي ها السلام اللي خفيـف ٍ دمّـه
معه جنسية ويبغى لـه جـواز سعـودي

مشكلة صياف صارت بين ابـوه وعمّـه
والسبب ناس ٍ تدق الملـح والبـارودي




قال صياف :

مرحبا بالشاعر اللي مـا قـدرت آذمّـه
الليالـي مـا تغيّـر والزمـان ايعـودي

الزلامي معه علـم وكـل شـي ايهمّـه
مير لو يزعل تغيّـره الليـال السـودي




قال الزلامي :

كيف تدلي بالشهـادة يـا كبيـر الذمّـه
وأنت ما شب الك ضوّك غير قدح زنودي

صرت مثل اللي كبر وانكر لبن ديس امّه
والعرب فالصيف تعرف عدها المـارودي




قال صياف :

العلوم اللي تحـط النـاس راس القمّـه
حبلها من يمكم يـا صاحبـي معقـودي

ثوبك اللي ما ينوش الأرض غير ابكمّـه
نزله للجمرة اللي فـوق راس العـودي




قال الزلامي :

ودي اكشـف غلطتـك للعالـم الملتمّـه
أنت حربيٍ تطالبنـي بـورث اجـدودي

يـا محبيـن العقـال ومنكريـن العمّـه
خصمكم في الآخرة عبد الله المسعـودي




قال صياف :

أنتم رجال الشـرف وعظامكـم منسمّـه
أعبروا ذاك الطريق وحملكـم مشـدودي

أنت ما تدري عن البارود ليـن اتشمّـه
مير لا ترمي بها فالـوادي المسـدودي




قال الزلامي :
لوّ يا صياف علمـي تمسكـه وتضمّـه
تاجده مثل العسـل وألا حليـب القـودي

أنت تحسب جدنـا داب يمـوت بسمّـه
مير أنا باذل لنصره طاقتـي وجهـودي




قال صياف :

يقطع الله ديرة اللي مـا يعـرف الجمّـه
والتجـارة يالعتيبـي بابهـا محـدودي

قبرك اللي في تهامـه بالتـراب اندمّـه
تحفره بالليل الأظلـم والعبـاد رقـودي


.


( محاورة لاتخلو من المطبات والخبث الشعري)



* *




مع أطيب الأمنيات