اقرب شاعر يلعب

[نايف بن ملحق الثعلي]

مرحبا رحب غالي من لسان وضمير=والمواقيف تبغى شاعرن قدها
الليالي تقلب والفلك يستدير=والعرب بعضها مابيحت سدها

التوقيع

ما هوب لازم توقيع00

[غازي غالب]

البقا يالمرحب والرحا تستدير = حبها قد طحنته جيبها ودها
انت نايف ونايف معه سيف ٍ شطير = مير ماكل عمله شافها عدها

التوقيع

انته مزاجك خواً بالراس = وانا مزاجي يبا الهمجه

[نايف بن ملحق الثعلي]

الحمول الثقيله مالها الا البعير=شيلها وانتبه لا يصتغي شدها
من قديم الزمان وفي الزمان الاخير=كل حاجه ترانا عندنا ضدها

[غازي غالب]

ليت نايف معه من روق شايب شوير = لين يعرف مزوح الناس من جدها
كلبوّنا رفاقه فــ النهار الكبير = كان عندك علوم ٍ ثانيه بدها

[نايف بن ملحق الثعلي]

يالعتيبي ترى صاحبك نايف بصير=لاتعرض دروب الناس وتسدها
انت وين انت عنها يوم شبت سعير=يوم وسم المطيه بان في خدها

[غازي غالب]

الحقيقه حقيقه واجب ٍ نستخير = دام نايف غرق في جزرها مدها
هيه يلي علومك من مكاتب جرير = كلّنا رجل واحد نحتمي حدهاا

[نايف بن ملحق الثعلي]

ندهن السير ياقبلان حتى يسير=ثم لاعاد عينك فيه تلدها
بعد ما طحتلك في وسط بحرن غزير=تاتبين الحقايق منك لابدها

[غازي غالب]

عيني الدّها وانته سواتك ضرير = ضايع ٍ بين ابوها عمها جدها
الحقايق بإنك للفتن تستثير = والفتن بأمر ربي ماتجي عدها

[خالد المقاطي]

بعد ما طحتلك في وسط بحرن غزير
تاتبيـن الحقايـق منـك لابـدهـا



صح السانكــ يانايف



الحقايق بإنـك للفتـن تستثيـر
والفتن بأمر ربي ماتجي عدها



اشهد بالله هذا الرد الوافي


صح السانكــ يالبناخي

لاهنتو على اللعب الطيب

واصلوووو واصلوووو

[مقعد الدغيلبي]

نايف الروقي

صح لساانك

يامبدع

طاروق كايف

وشعار كبااار

تقبل مروري وودي

التوقيع